|
امریکی وزیر خارجہ انٹنی بلنکن نے بتایا ہے کہ اس ہفتے وہ ان مذاکرات کے لیے سعودی عرب اور مصر جا رہے ہیں جو غزہ میں جنگ بندی، فلسطینی عسکریت پسندوں کے پاس قید یرغمالوں کی رہائی پر دباؤ ڈالنے اور جنگ کے بعد کے غزہ کی منصوبہ بندی پر مرکوز ہوں گے۔
منگل کو فلپائن میں ایک دورے کے دوران گفتگو کرتے ہوئے بلنکن نے نامہ نگاروں کو بتایا کہ غزہ میں گورننس، سیکیورٹی، انسانی ہمدردی کی معاونت اور تعمیر نو کے طریقے متعین کرنے کے لیے انتظامات کی ضرورت ہو گی۔
بلنکن نے کہا کہ امریکہ نے اسرائیل پر کسی منصوبہ بندی کی ضرورت پر زور دیا ہے اور یہ کہ ابھی تک یہ امید باقی ہے کہ یہ تنازع جلد از جلد ختم ہو جائے گا۔
امریکی وزیر خارجہ، منیلا فلپائن میں فلپینی وزیر خارجہ کے ساتھ ایک جوائنٹ پریس کانفرنس کے دوران ، فوتو اے ایف پی ، 19مارچ 2024
بلنکن نے غزہ میں انسانی ہمدردی کی ہولناک صورت حال کو بیان کرتے ہوئے اقوام متحدہ کی ان رپورٹس کا حوالہ دیا کہ غزہ کی پوری آبادی کو انسانی ہمدردی کی امداد کی ضرورت ہے۔
اس صورت حال کے انتہائی اہم اندازے کے مطابق غزہ میں 100 فیصد آبادی خوراک کی قلت کے انتہائی سنگین درجے پر ہے۔ بلنکن نے کہا کہ ایسا پہلی بار ہوا ہے کہ کسی علاقے کی پوری آبادی کو اس درجے پر رکھا گیا ہو۔
بلنکن نے اسرائیل کے اپنے دفاع کے حق اور اس بات کو یقینی بنانے کی حمایت کی کہ سات اکتوبر جیسا حملہ دوبارہ نہ ہو، لیکن انہوں نے یہ بھی کہا کہ ”اسرائیل پر یہ مکمل ذمہ داری عائد ہوتی ہے کہ وہ شہریوں کے تحفظ کو ترجیح دے اور ان لوگوں کی مدد کرے جنہیں انسانی ہمدردی کی امداد کی اشد ضرورت ہے۔”
رفح میں بے گھر فلسطینی ایک فلاحی ادارے کی طرف سے دی جانے والی افطاری وصول کر رہے ہیں، فوٹو 11 مارچ 2024
بلنکن نے غزہ کی موجودہ صورت حال کے لیے حماس کو ذمہ دار ٹھہراتے ہوئے کہا کہ دہشت گرد گروپ نے اسرائیل پر حملے کا آغاز کیا اور اگر وہ ہتھیار ڈال دیتا، شہریوں کے پیچھے نہ چھپتا اور ان یرغمالوں کو رہا کر دیتا جو ابھی تک اس کی قید ہیں تو وہ جنگ کو روک سکتا تھا۔
امریکی صدر جو بائیڈن نے پیر کو اسرائیلی وزیر اعظم بنجمن نیتن یاہو سے ایک ماہ سے زیادہ عرصے میں پہلی بار بات کی، جس میں اسرائیل کی جانب سے غزہ میں حماس کے عسکریت پسندوں کے خلاف جنگ کے طریقے اور مصری سرحد کے قریب جنوبی شہر رفح پر زمینی حملے کے منصوبے کے بارے میں نئے خدشات کا اظہار کیا۔
SEE ALSO: رفح میں زمینی حملے کے منصوبے پر عمل کریں گے؛ اسرائیلی وزیرِ اعظم کا اعلانوائٹ ہاؤس کے قومی سلامتی کے مشیر جیک سلیوان نے کہا کہ بائیڈن نے نیتن یاہو کے ساتھ ایک فون کال میں کہا،"ہم حماس کو شکست دینے کے مقصد میں شریک ہیں، ہمیں یقین ہے کہ اس کے لیے آپ کو ایک مربوط اور پائیدار حکمت عملی کی ضرورت ہے۔"
سلیوان نے کہا کہ بائیڈن کی درخواست پر نیتن یاہو رفح پر کسی حملے اور وہاں پناہ لینے والے فلسطینیوں کو تحفظ فراہم کرنے کے منصوبوں پر گفتگو کے لیے اسرائیلی عہدے داروں کی ایک ٹیم آئندہ دنوں، ممکنہ طور پر اگلے ہفتے واشنگٹن بھیجنے پر تیار ہو گئے ہیں۔
سلیوان نے کہا امریکہ کو اسرائیل سے پوری توقع ہے کہ جب تک واشنگٹن میں گفتگو نہیں ہو جاتی وہ رفح پر کوئی حملہ نہیں کرے گا
SEE ALSO: رفح بات چیت کے لیے اسرائیلی ٹیم کا دورۂ امریکہ؛ ’اس سے قبل رفح میں کوئی کارروائی نہیں ہو گی‘، جیک سلیوان7 اکتوبر کو اسرائیل پر عسکریت پسند گروپ حماس کے حملے کے بعد، جس میں اسرائیلی اعداد و شمار کے مطابق 1160 کے قریب لوگ ہلاک اور تقریباً 250 یرغمال بنائے گئے تھے، حماس کے خاتمے کی اسرائیلی مہم نے غزہ کی پٹی کے بنیادی ڈھانچے اور عمارتوں کا بیشتر حصہ کھنڈر بنا دیا ہے۔
غزہ کی وزارت صحت کا کہنا ہے کہ اسرائیلی جوابی کارروائی میں تقریباً 32000 فلسطینی ہلاک ہو چکے ہیں، جن میں زیادہ تر خواتین اور بچے ہیں۔ غزہ کی نصف سے زیادہ آبادی بے گھر ہو چکی ہے۔
SEE ALSO: غزہ: جنگ بندی کے لیے قطر میں مذاکرات؛ بائیڈن کو اسرائیلی 'طرزِ جنگ' پر تشویشاسرائیل اور حماس کے مذاکرات کار اس ہفتے دوبارہ قطر ائیں گے تاکہ چھ ہفتوں کی جنگ بندی اور اسرائیل کی جیلوں میں قید درجنوں فلسطینیوں کی رہائی کے بدلے ان تقریباً 100 یرغمالوں میں سے جو ابھی تک حماس کے پاس قید ہیں، 40 یا اس کے لگ بھگ کی رہائی کی کوشش کی جا سکے۔
انیتا پاول، وی او اے نیوز۔