گوادر میں دھرنا: مواصلاتی ذرائع اور سڑکیں بند، ایران سے آنے والے زائرین پھنس گئے

گوادر میں بلوچ یکجہتی کمیٹی کے چار روز سے جاری دھرنے کے باعث موبائل سگنلز، انٹرنیٹ اور ٹیلی فون سروسز معطل ہیں جس کی وجہ سے گوادر کا پورے ملک سے موصلاتی رابطہ منقطع ہے۔ بلوچستان کے مختلف علاقوں میں قومی شاہراہوں پر بی وائے سی کے احتجاج اور دھرنوں کے باعث گزشتہ پانچ روز سے ٹرانسپورٹ کا نظام بری طرح متاثر ہے۔ ایران سے آنے والے سینکڑوں زائرین بھی تفتان اور گوادر کے درمیان پھنس گئے ہیں۔