ڈیموکریٹک کنونشن سے صدر اوباما کا خطاب
امریکہ کے صدر براک اوباما نے فلاڈیلفیا میں جاری ڈیموکریٹک قومی کنونشن سے بدھ کو دیر گئے خطاب کیا۔
صدر اوباما نے اس موقع پر کہا کہ ہلری کلنٹن صدارت کے لیے موزوں ترین امیدوار ہیں۔
صدر نے ریپبلکن صدارتی امیدوار ڈونلڈ ٹرمپ کی انتخابانی مہم کو بھی اپنی تقریر میں تنقید کا نشانہ بنایا۔
صدر براک اوباما نے اپنے خطاب میں سنہ 2004 میں ہونے والے کنونشن کا ذکر کیا جس سے انھوں نے پہلی بار خطاب کیا تھا۔
صدر اوباما نے کہا کہ ہم ہلری کلنٹن کو جیت تک لے کر جائیں گے۔
امریکی سربراہ کی حیثیت سے جنوری میں اوباما اپنا آٹھ سالہ دور مکمل کرنے والے ہیں۔
صدر اوباما نے ہلری کلنٹن کے بطور وزیرخارجہ اپنے ساتھ کام کرنے کے تجربات کا بھی تذکرہ کرتے ہوئے کہا کہ صدر بننے کے لیے کسی بھی شخص کی اس سے زیادہ بہتر تربیت نہیں ہو سکتی۔
ڈیموکریٹک قومی کنونشن کا اختتام جمعرات کو ہلری کلنٹن کے خطاب پر ہو گا۔