اسپین کی فٹ بال لیگ 'لالیگا' میں گیرونا کلب نے دفاعی چیمپئن ریال میڈرڈ کو اپ سیٹ شکست دے کر ایونٹ میں پہلی کامیابی حاصل کر لی ہے۔
گیرونا کلب کے کھلاڑی ویلنٹین کسٹیلانوس نے اپنی ٹیم کی جانب سے چار شاندار گول کیے جب کہ مدِ مقابلریال میڈرڈ کے کھلاڑی دو ہی گول کر سکے۔
کسٹیلانوس گزشتہ 75 برس میں پہلے کھلاڑی ہیں جو لالیگا میں ریال میڈرڈ کے خلاف کسی ایک میچ میں چار گول کر سکے ہیں۔
اس سے پہلے 1947 میں رئیل اویڈو فٹ بال کلب کے کھلاڑی ایتھوان ایتواریا نے ریال میڈرڈ کے خلاف یہ کارنامہ انجام دیا تھا۔
📜𝐇𝐢𝐬𝐭𝐨𝐫𝐲 𝐦𝐚𝐝𝐞 ...@tatycaste11anos became the first player to score 4️⃣ goals in a single #LaLigaSantander game against Real Madrid in the 2️⃣1️⃣st century!#GironaRealMadrid pic.twitter.com/LxozM0IRXO
— LaLiga English (@LaLigaEN) April 25, 2023
ارجنٹائن سے تعلق رکھنے والے 24 سالہ کسٹیلانوس گیرونا فٹ بال کلب کے اسٹرائیکر ہیں اور اسپین کی لالیگا لیگ کے اس سیزن میں اب تک 11 گول اسکور کر چکے ہیں۔
دوسری جانب اس میچ سے قبل بالکل آخری لمحات میں ریال میڈرڈ نے اپنے گول کیپر ٹیبو کورٹوا کو اسکواڈ سے نکال لیا تھا جب کہ اس کے اسٹرائیکر کریم بنزما بھی ٹانگ انجری کے سبب دستیاب نہیں ہیں۔
لالیگا میں گیرونا فٹ بال اب تک کھیلے گئے پانچ میچز میں س پہلی کامیابی حاصل کرنے میں کامیاب ہوا ہے۔
FT: #GironaRealMadrid 4-2𝐈𝐭 𝐫𝐚𝐢𝐧𝐞𝐝 𝐠𝐨𝐚𝐥𝐬 𝐚𝐭 𝐌𝐨𝐧𝐭𝐢𝐥𝐢𝐯𝐢 𝐚𝐬 𝐓𝐚𝐭𝐲 𝐂𝐚𝐬𝐭𝐞𝐥𝐥𝐚𝐧𝐨𝐬 𝐬𝐜𝐨𝐫𝐞𝐝 𝐟𝐨𝐮𝐫!#LaLigaSantander pic.twitter.com/aAgpelhej9
— LaLiga English (@LaLigaEN) April 25, 2023
پوائنٹس ٹیبل پر اس وقت گیرونا کلب نویں نمبر پر ہے جب کہ دوسری جانب ریال میڈرڈ کو گزشتہ پانچ میچوں میں اس دوسری شکست کا سامنا کرنا پڑا ہے وہ لیگ میں اب تک پوائنٹس ٹیبل پر دوسرے نمبر پر ہے۔
بارسیلونا اس بار سب سے زیادہ کامیابیوں کے ساتھ اب تک سرِ فہرست ہے۔