پاکستان نے کہا ہے کہ چین کے وزیرِ خارجہ وانگ یی اسلام آباد میں رواں ہفتے ہونے والے اسلامی تعاون تنظیم (او آئی سی) کے وزرائے خارجہ کے اجلاس میں بطور مہمان خصوصی شرکت کریں گے۔
پاکستان کے دفترِ خارجہ کے ایک بیان کے مطابق چین کے وزیرِ خارجہ وانگ یی پیر کو اسلام آباد پہنچ رہے ہیں۔
پاکستان کی میزبانی میں اسلامی تعاون تنظیم کے وزرائے خارجہ کونسل کا 48 ویں اجلاس 22 اور 23 مارچ کو اسلام آباد میں ہوگا۔
پاکستان کے دفتر خارجہ کے مطابق او آئی سی کے وزرائے خارجہ کونسل کے اجلاس کا موضوع ’اتحاد، انصاف اور ترقی کے لیے شراکت داری‘ ہے۔
او آئی سی کے رکن ممالک کے اعلیٰ سفارت کاروں کے علاوہ او آئی سی کے مبصر ممالک کے مندوب بھی اس کانفرنس میں شرکت کریں گے ۔ یہ سفارت کار اور مندوب 23 مارچ کو یومِ پاکستان پر اسلام آباد میں ہونے والے فوجی پریڈ کی تقریب میں بھی شرکت کریں گے۔
مبصرین کا کہنا ہے کہ ماضی میں او آئی سی کے سربراہ یا وزرائے خارجہ کے اجلاسوں میں مختلف ممالک کے اعلیٰ سفارت کاروں اور بین الاقوامی تنظیموں کے نمائندوں کو بطور مبصر شرکت کی دعوت دی جاتی رہی ہے۔
بین الاقوامی امور کے تجزیہ کار حسن عسکری کا کہنا ہے کہ چین کے وزیرِ خارجہ کو او آئی سی کے وزرائے خارجہ کونسل کے 48 ویں اجلاس میں شرکت کی دعوت بھی اِسی روایت کا حصہ ہے۔
China’s Foreign Minister Wang Yi has arrived in Pakistan; he will attend the OIC session being held in Pakistan. #OICInPakistan pic.twitter.com/drybchATnZ
— PTI (@PTIofficial) March 21, 2022
وائس آف امریکہ سے گفتگو میں حسن عسکری نے کہا کہ چین کے وزیرِ خارجہ ایک ایسے وقت میں او آئی سی کے وزرائے خارجہ کے اجلاس میں شرکت کر رہے ہیں جب یوکرین کے معاملے پر مغربی ممالک کے درمیان تنازع چل رہا ہے۔
ان کا کہنا تھا کہ مغربی ممالک اس وقت چین کو روس کا حامی سمجھ رہے ہیں۔
انہوں نے کہا کہ چینی وزیرِ خارجہ کو او آئی سی اجلاس میں شرکت کی دعوت دینا نئی بات نہیں ہے۔ بھارت کی سابق وزیرِ خارجہ سشما سوراج مارچ 2019 میں متحدہ عرب امارت (یو اےا ی) کی میزبانی میں او آئی سی وزرائے خارجہ کی کانفرنس میں شرکت کر چکی ہیں۔
تجزیہ کار زاہد حسین کا کہنا ہے کہ پاکستان نے سفارت کاری کے جذبۂ خیر سگالی کے طور پر چینی وزیرِ خارجہ کو اجلاس میں شرکت کی دعوت دی ہے۔
زاہد حسین کے خیال میں چین کے اعلیٰ سفارت کار کی او آئی سی کے وزرائے خارجہ کے اجلاس میں شرکت سے کسی بھی ملک کی پالیسی میں بڑی تبدیلی کا امکان نہیں ہے۔
As Pakistan prepares to host #OIC48CFM, here is a look at key initiatives of @OIC_OCI over the years. 🎬⬇️📍#OICInPakistan 🇵🇰 pic.twitter.com/ib6hXwXurD
— Spokesperson 🇵🇰 MoFA (@ForeignOfficePk) March 19, 2022
البتہ تجزیہ کار حسن عسکری کا کہنا ہے کہ پاکستان اور امریکہ کے تعلقات میں اس وقت بظاہر سرد مہری ہے۔ ان کے خیال میں امریکہ چین کے وزیرِ خارجہ کی او آئی سی کانفرنس میں شرکت کو اس بات کا عندیہ تصور کرے گا کہ پاکستان کا رجحان بیجنگ کی طرف بڑھ رہا ہے۔
حسن عسکری نے کہا کہ اس صورتِ حال میں او آئی سی اجلاس کے ذریعے چین کو مسلم دنیا کے ساتھ براہِ راست سفارتی رابطے کا بھی موقع ملے گا اور چین کے وزیرِ خارجہ وانگ یی مسلم ممالک کے اعلیٰ سفارت کاروں کو بین الاقوامی معاملات پر بیجنگ کے مؤقف سے آگاہ کر سکتے ہیں۔
انہوں نے کہا کہ اس بات کا کوئی امکان نہیں ہے کہ اس کانفرنس میں یوکرین کا معاملہ زیرِ بحث آئے کیوں کہ یہ معاملہ اس کانفرنس کے ایجنڈے میں شامل نہیں ہے۔
The 48th session of the #OIC Council of Foreign Ministers, to be held on 22-23 March 2022 in #Islamabad, represents the second most prominent OIC activity following the extraordinary meeting of Foreign Ministers held last December on the #humanitarian situation in #Afghanistan. pic.twitter.com/9asq0O7wt6
— OIC (@OIC_OCI) March 20, 2022
چین کے وزیرِ خارجہ وانگ یی او آئی سی کے وزرائے خارجہ کے اجلاس میں ایک ایسے وقت میں شرکت کریں گے جب مغربی ممالک اور انسانی حقوق کی تنظیمیں سنکیانگ میں ایغور مسلمان اقلیت سے بیجنگ کے ر وا رکھے گئےمبینہ ناروا سلوک اورحکومتی پالیسیوں پر تنقید کرتی ر ہی ہیں۔
تجزیہ کا رحسن عسکری کا کہناہے کہ اسلامی ممالک کی طر ف سے ایغور کے معاملے پر چین پر کم ہی تنقید کی جاتی ہے ۔
Furthermore, he called on Member States, Islamic financial institutions and partners to expedite humanitarian assistance for the needy in the country. Read more: https://t.co/Kc9SzQTVpO #OICInPakistan
— OIC (@OIC_OCI) March 20, 2022
اس لیے حسن عسکری کا کہنا ہے کہ اس حوالے سے چین کے وزیر خارجہ کا اسلامی دنیا کی بڑی تنظیم کی اجلاس میں شرکت کرنا کوئی بڑی پیش رفت قرار دنہیں دیا جا سکتا ہے۔
تجزیہ کار زاہد حسین کہتے ہیں کہ بیجنگ کے اکثر مسلم ممالک کے ساتھ اچھے تعلقات ہیں۔
I warmly welcome Foreign Ministers & delegations from OIC mbr states, observers, partners & intl orgs to #48OICCFM in Islamabad. Under overarching theme of ‘Unity, Justice & Development’, OIC-CFM will have wide-ranging deliberations. People of 🇵🇰 are honoured with your presence.
— Imran Khan (@ImranKhanPTI) March 20, 2022
پاکستان کے وزیرِ اعظم عمران خان 22 مارچ کو او آئی سی کے وزرائے خارجہ کے اجلاس کی افتتاحی تقریب سے خطاب کریں گے جب کہ پاکستان کے وزیرِ خارجہ شاہ محمود قریشی اجلاس کی صدارت کریں گے۔
پاکستان کے دفترِ خارجہ کے مطابق مسلمان دنیا کو سیکیورٹی، سماجی اور اقتصادی شعبوں میں درپیش چیلنجز کے پیشِ نظر یہ کانفرنس نہایت اہمیت کی حامل ہے۔
Salam 👋🏼 from the @NAofPakistan, venue for the 48th Session of the @OIC_OCI Council of Foreign Ministers. 🟢 2 Days ⚪️ 57 Countries 📍 Pakistan #OICInPakistan #OIC48CFM pic.twitter.com/DH0kqtzw4M
— Foreign Minister%27s Public Diplomacy 🇵🇰 (@FMPublicDiploPK) March 20, 2022
پاکستان کے دفتر خارجہ کا کہنا ہے کہ کہ اس کانفرنس کے دوران بھارت کے زیرِ انتظام کشمیر میں انسانی حقوق کی صورتِ حال کا بھی جائزہ لیا جائے گا۔
او آئی سی کے اجلاس میں افغانستان میں انسانی بحران سے نمٹنے کے لیے دسمبر 2021 میں اسلام آباد میں منعقد ہونے والے او آئی سی وزرائے خارجہ کونسل کے 17ویں غیر معمولی اجلاس میں کیے گئے فیصلوں کا بھی جائزہ لیا جائے گا۔
The Organization of Islamic Cooperation (#OIC) will hold the 48th Session of the Council of Foreign Ministers (CFM) under the theme (Building Partnerships for Unity, Justice, & Development) in #Islamabad, Islamic Republic of #Pakistan, March 22-23, 2022. #OIC48CFM #OICInPakistan pic.twitter.com/gBRJR4qIHW
— OIC (@OIC_OCI) March 15, 2022
پاکستان کے دفترِ خارجہ کے مطابق اسلام آباد میں ہونے والے دو روزہ او آئی سی کے وزرائے خارجہ کے اجلاس کے دوران 100 سے زائد قرار دادوں پر غور ہو گا جن کا تعلق اقتصادی ترقی، ثقافتی اور سائنسی تعاون، انسانی، قانونی، انتظامی اور مالی معاملات سے ہے۔