تصاویر: تحریکِ لبیک یا رسول اللہ کا دھرنا لاہور میں جاری
مظاہرین کا کہنا ہے کہ جب تک فیض آباد میں کیے جانے والے معاہدے پر عمل نہیں ہوتا ان کا دھرنا جاری رہے گا۔
دھرنے میں تحریکِ لبیک یا رسول اللہ کے قائدین افضل قادری اور خادم حسین رضوی بھی شریک ہیں۔
خادم رضوی سڑک پر نصب اس خیمے میں رہائش پذیر ہیں۔
بدھ کو دھرنے میں پریس کانفرنس کرتے ہوئے خادم رضوی نے کہا کہ وہ امن کی خاطر اور حکومت کی اپیل پر ملک بھر میں احتجاجی دھرنوں کو دو دن کے لیے مؤخر کر رہے ہیں۔
انہوں نے خبردار کیا کہ حکومت معاہدے کی پاسداری کرے اور امن و امان خراب نہ کرے۔
خادم رضوی نے اعلان کیا کہ ان کی جماعت چھ اپریل کو لاہور کے داتا دربار پر آل پاکستان تاجدارِ ختمِ نبوت کانفرنس منعقد کرے گی۔
دھرنے میں خادم رضوی کے مریدوں اور ان کی جماعت کے کارکنوں کی بڑی تعداد شریک ہے۔ تاہم لاہور کی ایک مرکزی شاہراہ پر جاری اس دھرنے کے باعث شہر میں ٹریفک کی روانی متاثر ہو رہی ہے۔
مظاہرین کا کہنا ہے کہ پنجاب حکومت نے ان کی ایک بات مانی ہے اور لاؤڈ اسپیکر پر اذان دینے پر پابندی اٹھالی ہے۔