بھارت کے مشہور پنجابی گلوکار اور کانگریس رہنما شبھ دیپ سنگھ سدھو کو ریاست پنجاب کے ضلع مانسہ میں اتوار کو فائرنگ کر کے قتل کرد یا گیا۔ ان کے قتل پر شوبز شخصیات نے افسوس کا اظہار کیا ہے۔
سدھو موسے والا کے نام سے مشہور گلوکار کو متعدد گولیاں ماری گئیں جو جانبر نہ ہو سکے۔ بھارتی میڈیا رپورٹس کے مطابق کینیڈا میں مقیم گینگسٹر 'گولڈی برار' نے سدھو موسے والا کے قتل کی ذمہ داری قبول کرنے کا دعویٰ کیا ہے۔
گلوکار کے قتل کے بعد اتوار کو ہی پنجاب کے ڈائریکٹر جنرل پولیس (ڈی جی پی) وریش کمار بھروہ نے پریس کانفرنس میں دعویٰ کیاتھا کہ سدھو موسے والا کے قتل کے پیچھے 'لارنس بشنوئی گینگ' کا ہاتھ ہے اور انہوں نے اس کی ذمہ داری قبول کی ہے۔
بھارتی خبر رساں ادارے 'انڈین ایکسپریس' کے مطابق چند روز قبل ہی پنجاب پولیس کی جانب سے گلوکار سدھو موسے والا سمیت کئی افراد کی سیکیورٹی پر تعینات افراد کی تعداد کم کی گئی تھی۔
ڈی جی پی وریش کمار نے پریس کانفرنس میں بتایا تھا کہ ابتدائی تشویش کے مطابق سدھو موسے والا کے پاس سیکیورٹی کے لیے چار اہلکار تھے جن میں سے یاد گاری دن 'گھلو گھارا' کی وجہ سے ان کے دو محافظوں کو واپس بلا لیا گیا تھا۔
وریش کمار کے مطابق 'گھلو گارا' کے موقع پر پنجاب میں ہر سال سیکیورٹی کے انتظامات یقینی بنانے کے لیے لوگوں کی سیکیورٹی میں سے فورس نکالی جاتی ہے۔
'انڈین ایکسپریس' کے مطابق پنجاب پولیس نے ریٹائرڈ پولیس افسران، مذہبی شخصیات اور دیگر 424 افراد کی سیکیورٹی کم کرنے کا حکم دیا تھا۔
ڈی جی پی پنجاب کے بقول اتوار کو جب گلوکار اپنے گھر سے نکلے تو وہ اپنے دونوں محافظوں کو ساتھ لے کر نہیں گئے تھے جب کہ وہ اپنی بلٹ پروف گاڑی میں بھی نہیں گئے تھے۔ تاہم ان کے قتل کی تحقیقات کے لیے خصوصی ٹیم تشکیل دی جا چکی ہے۔
پاکستان اور بھارت کے ٹوئٹر پر ہیش ٹیگ سدھو موسے والا ٹرینڈ کر رہا ہے۔ سوشل میڈیا صارفین کے ساتھ ساتھ سیاسی، سماجی اور شوبز ستاروں کی جانب سے ٹوئٹس کی جا رہی ہیں۔
بھارت کی حکمراں جماعت بھارتیہ جنتا پارٹی (بی جے پی) کے رہنما منجندر سنگھ نے پنجاب کے وزیر اعلیٰ سے گلوکار کے قتل کی شفاف تحقیقات کا مطالبہ کیا ہے۔
It would be foolish to believe that SIT constituted by CM @BhagwantMann would do any fair investigation. We demand handing over the entire enquiry to an outside-state agency.The state police is already washing off its hands blaming it all on gang rivalry#sidhumoosewala @ANI pic.twitter.com/xHzr8QhOBy
— Manjinder Singh Sirsa (@mssirsa) May 30, 2022
بالی وڈ اداکار انیل کپور نے بھی سدھو موسے والا کے قتل پر گہرے دکھ کا اظہار کیا اور کہا کہ ایک با صلاحیت نوجوان بہت جلد ہم سب کو چھوڑ کر چلا گیا۔
Extremely shocking & sad news…such a talented young life tragically ended too soon…sending my heart felt prayers to the family…🙏🏻 #sidhumoosewala pic.twitter.com/Hxzwa9KJqI
— Anil Kapoor (@AnilKapoor) May 29, 2022
بھارتی کامیڈین کپل شرما نے کہا کہ سدھو موسے والا ایک بہترین فن کار اور اچھا انسان تھا۔
Satnam shri waheguru 🙏 very shocking n very sad, a great artist n a wonderful human being, may god give the strengths to his family 🙏 #sidhumoosewala pic.twitter.com/hfMDxxxBRt
— Kapil Sharma (@KapilSharmaK9) May 29, 2022
اداکار اجے دیوگن نے سدھو موسے والا کے قتل پر افسوس کا اظہار کرتے ہوئے ان کے گھر والوں کے لیے دعا کی۔
Stunned by the shocking death of #SidhuMoosewala. May Waheguru give his loved ones strength in their hour of grief. RIP departed soul 🙏 Still trying to wrap my head around this one. pic.twitter.com/voGupsgZ2B
— Ajay Devgn (@ajaydevgn) May 29, 2022
اداکارہ نیہا شرما نے اپنے ٹوئٹ میں کہا کہ وہ ابھی تک صدمے میں ہیں اور انہیں یقین نہیں آ رہا کہ یہ سچ ہے۔
I’m still in shock.Hoping this wasn’t true. You will be in our hearts forever 💔 #sidhumoosewala pic.twitter.com/8qw6JpuNYy
— Neha Sharma (@Officialneha) May 30, 2022
بھارتی کرکٹر شیکھر دھون نے بھی گلوکار کے قتل پر گہرے رنج کا اظہار کیا اور کہا کہ ان کے پاس کہنے کو الفاظ نہیں ہیں۔
Shocked, devastated, at a loss for words… RIP #SidhuMoosewala 🙏 pic.twitter.com/r7yuHQPkur
— Shikhar Dhawan (@SDhawan25) May 29, 2022
بھارتی ماڈل اور اداکارہ شہناز گل نے سدھو موسے والا کے قتل پر کہا کہ کسی کا جوان بھائی اور بیٹا اس دنیا سے چلا گیا اس سے بڑا دنیا کا کوئی اور دکھ نہیں ہو سکتا۔
Kise da jawaan dhee ya putt es duniya toh chala jaave, es toh vadda dukh koi nhi ho sakda duniya te. Waheguruji mehar kareyo🙏🏻 #sidhumoosewala
— Shehnaaz Gill (@ishehnaaz_gill) May 29, 2022
پنجابی گلوکار روچ کلہ نے کہا کہ یہ ہماری انڈسٹری کے لیے سیاہ دن ہے۔
So shocked.. this is snoop sad .. black day for the industry.. #RIP #sidhumoosewala #Gone2Soon .. pic.twitter.com/AXZBtq2N7M
— Roach Killa (@roachkilla1) May 29, 2022
پاکستانی یوٹیوبر سعد الرحمان نے پنجابی گلوکار کے قتل پر ردِ عمل کا اظہار کرتے ہوئے کہا کہ انہیں یقین نہیں آ رہا، ایشیا کا انتہائی ٹیلنٹڈ ریپر بھارت میں مارا گیا۔
Unbelievable. One of the most talented rapper in Asia has been shot dead in India. Aakhir kitna hasad aur dushmani hogi kisi ki 😔#sidhumoosewala
— Saad Ur Rehman (@duckybhai) May 29, 2022
یوٹیوبر اور اداکار شاہویر جعفری نے بھی سدھو موسے والا کے قتل پر افسوس کا اظہار کیا۔
You got our hearts ❤️ #sidhumoosewala
— Shahveer Jafry (@shahveerjaay) May 29, 2022
سدھو موسے والا کون تھے؟
بھارتی جریدے 'انڈیا ٹوڈے' کے مطابق گلوکار سدھو موسے والا جون 1993 میں پنجاب کے ضلع مانسہ کے قریب ایک گاؤں میں پیدا ہوئے تھے۔ گزشتہ چند برسوں میں ان کے متعدد گانے ہٹ ہوئے۔ جن میں 295، سیلف میڈ، بارود اور دیگر شامل ہیں۔
سدھو موسے والا نے اپنے کالج کے دنوں میں موسیقی سیکھی تھی جس کے بعد وہ کینیڈا چلے گئے تھے۔انہوں نے الیکٹریکل انجینئرنگ کی ڈگری حاصل کر رکھی تھی۔
رواں برس کے آغاز میں انہوں نے پنجاب اسمبلی کے لیے کانگریس کے ٹکٹ پر الیکشن لڑا تھا اور انہیں عام آدمی پارٹی (اے اے پی) کے امیدوار وجے سنگلا سے شکست ہوئی تھی۔