متحدہ عرب امارات (یو اے ای) کی سپریم کونسل نے شیخ محمد بن زید النہیان کو صدر منتخب کر لیا ہے۔
فیڈرل سپریم کونسل نے ہفتے کو شیخ محمد بن زید النہیان کو متفقہ طور پر یو اے ای کا صدر منتخب کیا۔
خلیجی اخبار ‘گلف نیوز’ کے مطابق کونسل کی میٹنگ المشرف پیلس ابو ظہبی میں منعقد ہوئی جس کی صدارت شیخ محمد بن راشد المکتوم نے کی جو کہ نائب صدر، وزیراعظم اور دبئی کے حکمران ہیں۔
وزارت صدارتی امور کے جاری کردہ بیان میں کیا گیاہے کہ آرٹیکل 51 کے تحت شیخ محمد بن زید، شیخ خلیفہ بن زید النہیان کی جگہ متفقہ طور پر یو اے ای کے صدر منتخب ہوئے۔
شیخ محمد بن زید کے صدر منتخب ہونے کے بعد نائب صدر، وزیر اعظم اور دبئی کے حکمران شیخ محمد بن راشد المکتوم اور دبئی کے کراؤن پرنس اور دبئی ایگزیکٹو کونسل کے چیئرمین شیخ حمدان بن محمد بن راشد المکتوم نے مبارک باد دی۔
انتخب المجلس الأعلى للاتحاد اليوم أخي صاحب السمو الشيخ محمد بن زايد آل نهيان رئيساً للدولة.. محمد بن زايد هو ظل زايد وامتداده فينا..ومؤسس مئوية دولتنا..وحامي حمى اتحادنا. نبارك له، ونبايعه، ويبايعه شعبنا .. وتنقاد له البلاد كلها ليأخذها في دروب العز والمجد والسؤدد بإذن الله .
— HH Sheikh Mohammed (@HHShkMohd) May 14, 2022
شیخ محمد بن زید النہیان 11 مارچ 1961 کو پیدا ہوئے جو کہ یو اے ای کے بانی شیخ زید بن النہیان کے تیسرے بیٹے ہیں۔
انہوں نے اپنی باقاعدہ تعلیم یو اے ای اور برطانیہ سے حاصل کی جب کہ رائل ملٹری اکیڈمی سے 1979 میں گریجویشن کی۔
شیخ محمد بن زید ابو ظہبی کے تین نومبر 2004 کو کراؤن پرنس بنے جب کہ جنوری 2005 میں وہ یو اے ای کی مسلح افواج کے نائب سپریم کمانڈر بنے۔
وہ مختلف عہدوں پر فائض رہے جس میں امیری گارڈ یو اے ای ایئر فورس بھی شامل ہیں۔
سال 1993 میں شیخ محمد زید یو اے ای آرمڈ فورسز کے چیف آف اسٹاف مقرر ہوئے اور 24 جنوری 1994 سے جنوری 2005 تک وہ لیفٹننٹ جنرل رہے جس کے بعد وہ جنرل کے عہدے پر فائض کیے گئے۔
سن 2003 میں شیخ محمد بن زید ابو ظہبی کے ڈپٹی کراؤن پرنس مقرر ہوئے۔ جس کے بعد 6 جنوری 2004 کو وہ ابو ظہبی ایگزیکٹو کونسل کے نائب چیئرمین اور اسی سال میں 9 نومبر کو چیئرمین بنے۔
Pictures | Federal Supreme Council elects #MohamedbinZayed as UAE President #WamNews https://t.co/lV81Sp4I1i pic.twitter.com/TX9qZMbDQF
— WAM English (@WAMNEWS_ENG) May 14, 2022
شیخ محمد بن زید نے یو اے ای کی آرمڈ فورسز کو منصوبہ بندی، تربیت، تنظیمی ڈھانچے اور دفاعی صلاحیتوں کو فروغ دینے کے حوالے سے تیار کیا۔
مقامی میڈیا کی رپورٹس کے مطابق ان کی براہِ راست رہنمائی اور قیادت نے یو اے ای کی مسلح افواج کو ایک اہم ادارہ بنایا جس کی بین الاقوامی عسکری تنظیموں کی طرف سے تعریف کی جاتی رہی ہے۔
انہوں نے کویت اور کوسوو میں یو اے ای کے امن دستوں کی بھی قیادت کی۔شیخ محمد بن زید اپنی فوجی تربیت کے ساتھ کمانڈنگ بکتر بند یونٹوں، گزیل ہیلی کوپٹر اسکوارڈرن، ایئر اسکول اور ایئر کالج کا تجربہ رکھتے ہیں۔
وہ یو اے ای کی فضائیہ کے کمانڈر، مسلح افواج کے نائب چیف آف اسٹاف اور چیف آف اسٹاف رہ چکے ہیں۔