تصاویر: بھارتی کشمیر میں ہڑتال سے معمولاتِ زندگی معطل
سرینگر کی تاریخی جامع مسجد کے باہر بھارت کی وفاقی پولیس فورس سی آر پی ایف کے اہلکار پہرہ دے رہے ہیں۔
ہڑتال اور پابندیوں کے دوران ایک دیہاتی سرینگر کے ایک علاقے میں دیسی انڈے بیچنے نکلا ہوا ہے۔ واضح رہے کہ کشمیر کا موسم ان دنوں سخت سرد ہے۔
ہڑتال کے موقع سرکاری دستوں نے کئی علاقوں میں شہریوں کی آمد و رفت روکنے کے لیے رابطہ سڑکوں پر خار دار تار بچھا دیے ہیں۔
نیم فوجی دستے سرینگر کی ایک سنسان سڑک پر پہرہ دے رہے ہیں۔
ہڑتال کی اپیل کے پیشِ نظر سرینگر اور وادئ کشمیر کے دوسرے علاقوں میں دکانیں اور دوسرے کاروباری مراکز بند ہیں۔
سرینگر میں ہڑتال کے دوران ممکنہ عوامی مظاہروں کو روکنے کے لیے اضافی سکیورٹی دستے تعینات کیے گئے ہیں۔
سرینگر کے ایک علاقے میں حفاظتی دستوں نے سڑک پر خار دار تار بچھا کر لوگوں کی نقل و حرکت مسدود کر دی ہے۔
ایک شہری حفاظتی اہلکاروں سے دودھ لانے کے لیے ایک ایسے علاقے میں جانے کی اجازت مانگ رہا ہے جو کرفیو سے مستثنیٰ ہے۔