پاکستان کے صوبے پنجاب کے شہر لاہور کے گورنمنٹ محمڈن اینگلو اورینٹل (ایم اے او) کالج کے استاد نے طالبہ کی جانب سے ہراساں کرنے کے الزام پر دلبرداشتہ ہو کر خود کشی کر لی۔
پولیس کے مطابق انگریزی کے استاد افضل محمود نے نو اکتوبر کو زہر کھا کر خود کشی کی۔
دوسری جانب کالج انتظامیہ نے افضل محمود پر طالبہ کی جانب سے لگائے جانے والے الزام پر تحقیقات کے بعد اسے مبینہ طور پر غلط قرار دیا تھا۔
افضل محمود کی خودکشی پاکستان کے سوشل میڈیا پر ٹاپ ٹرینڈ بن چکا ہے۔
بعض سوشل میڈیا صارفین اسے خواتین کو مردوں کے ہراساں کیے جانے کے واقعات کو سامنے لانے کی مہم 'می ٹو' کے غلط استعمال شاخسانہ قرار دے رہے ہیں۔
افضل محمود نے تحقیقاتی کمیٹی کی سربراہ عالیہ رحمٰن کو مبینہ طور پر ایک خط لکھا تھا یہ خط بھی سوشل میڈیا پر گردش کر رہا ہے۔
خط میں افضل محمود نے درخواست کی تھی کہ انہیں بے گناہ قرار دیے جانے کی رپورٹ ان کے حوالے کی جائے لیکن کالج انتظامیہ نے یہ رپورٹ انہیں نہیں دی تھی۔
خود کشی سے قبل افضل محمود نے ایک تحریری نوٹ بھی چھوڑا ہے۔
نوٹ میں لکھا گیا ہے کہ وہ یہ معاملہ اب اللہ کی عدالت پر چھوڑتے ہیں لہذٰا پولیس اس ضمن میں کوئی قانونی کارروائی نہ کرے۔
افضل محمود پر یہ الزام ایم اے او کالج کی شعبہ ابلاغ عامہ کی ایک طالبہ نے لگایا تھا۔
طالبہ کا کہنا تھا کہ افضل محمود لڑکیوں کو گھور کر دیکھتے ہیں۔
ٹوئٹر پر ایک صارف احسان اچکزئی نے لکھا ہے کہ یہ ایک تکلیف دہ خبر ہے۔
ان کا مزید کہنا تھا کہ آخر کب تک معصوم لوگ اس نام نہاد مہم کی بھینٹ چڑھتے رہیں گے۔
So sad & traumatic incident! Another victim of #MeToo movement with false allegations from opportunistic & criminal mindsets. #Metoo is based on injustice & prejudice under falseflag slogans of antiman, anti-patriarchy & profeminist. It%27s not for providing justice to its victim pic.twitter.com/hzclKJTpqX
— Ehsan Achakzai (@e_achakzai) October 19, 2019
ایک صارف عماد ظفر نے لکھا ہے کہ غلط الزامات لگانے والوں کے خلاف کارروائی کے لیے بھی قانون سازی ہونی چاہیے۔
مشہور صحافی صارف ضرار کھوڑو نے لکھا ہے کہ ایک انسانی جان ضائع ہونے پر اب اس واقعے سے 'دستی بم' کی طرح جان چھڑائی جا رہی ہے۔
In the haste to attack/ defend #metoo its fascinating how quickly we have all lost sight of a fact: a man #afzal lost his life...and in just a few minutes his suicide has become a hand grenade to toss at each other. Lagay raho you sad lot, this shouldn%27t be reduced to a football.
— Zarrar Khuhro (@ZarrarKhuhro) October 19, 2019
نور نامی صارف نے لکھا ہے کہ آٹھ اکتوبر کو افضل نے کالج انتظامیہ کو انہیں الزامات سے بری کرنے والی رپورٹ طلب کی۔ لیکن نو جنوری کو انہوں نے خود کشی کر لی۔
M Afzal, Lecturer Govt MAO College, Lahore. He was charged with allegations of harassment.committee cleared him. This brought great damage to his repute. He wrote an application, on 8th Oct to admin for an offcial letter to exonerate him.9th Oct, he committed suicide.#MeToo pic.twitter.com/PTNgczAsJY
— Noor🙂 (@NooSindh) October 19, 2019
اس طرح مشہور گلو کار علی ظفر نے بھی اس پر اظہار خیال کیا ہے۔ ان کا کہنا ہے کہ ایم اے او کالج کے لیکچرار نے ایک جھوٹے الزام پر خود کشی کی ہے۔
ان کا مزید کہنا تھا کہ اب دیکھنا ہوگا کہ کتنے لوگ اس حوالے سے بات کرتے ہیں اور کتنے لوگ ہیں جو اس می ٹو مہم کے غلط استعمال پر بات کریں گے۔
Mr Afzal, Lecturer at Govt MAO College Lahore commits suicide after false harassment allegations. Leaves a suicide note as his wife leaves him & his reputation tarnished. How many will speak up for him now? How many will speak up against the misuse of #Metoo. Who is responsible? pic.twitter.com/WnWSyZyBOQ
— Ali Zafar (@AliZafarsays) October 19, 2019
واضح رہے کہ علی ظفر پر بھی مشہور گلوکارہ میشا شفیع نے گزشتہ سال اپریل میں ہراساں کرنے کا الزام عائد کیا تھا تاہم علی ظفر نے اس کی تردید کی تھی۔ اس کے بعد دونوں میں قانونی جنگ جاری ہے۔
'ایک واقعے سے پوری مہم پر تنقید نامناسب'
انسانی حقوق کے لیے سرگرم ڈاکٹر عمار جان کا کہنا ہے کہ ایک واقعے کو بنیاد بنا کر پوری مہم کو تنقید کا نشانہ بنانا مناسب نہیں۔
ان کا کہنا تھا کہ بلوچستان یونیورسٹی کا واقعہ ہمارے سامنے ہے۔ عرصہ دراز سے وہاں خواتین ہراسانی کا شکار ہو رہی تھیں لیکن وہ اس پر بات کرنے سے ڈرتی تھیں۔
ڈاکٹر عمار کا کہنا تھا کہ اگر اس مہم کا غلط استعمال ہو رہا ہے تو اس کے لیے طریقہ کار وضع کرنے کی ضرورت ہے۔ اس واقعے سے یہ نتیجہ نکالنا کے خواتین بہت زیادہ طاقتور ہو گئی ہیں تو یہ بھی غلط ہے۔
خیال رہے کہ انسانی حقوق کمشن نے بلوچستان یونیورسٹی میں انتطامیہ کی جانب سے نصب خفیہ کیمروں سے خواتین طالبات کو بلیک میل کرنے کے الزامات پر تشویش کا اظہار کیا تھا۔
می ٹو مہم ہے کیا؟
سال 2017 میں امریکہ میں ہالی ووڈ کی متعدد اداکاراؤں نے پروڈیوسر ہاروی وائنسٹن کے خلاف جنسی طور پر ہراساں کرنے کا الزام لگایا تھا۔
اداکارہ ایلسا میلانو نے ٹوئٹر پر 'می ٹو' کے نام سے ہیش ٹیگ متعارف کرایا تھا۔
جس کے بعد دنیا بھر کی خواتین نے اس کے ذریعے جنسی طور پر ہراساں کرنے کے واقعات کو شیئر کرنا شروع کر دیا اور یہ مہم دنیا بھر میں مقبول ہو گئی۔