سوشل میڈیا پرمغربی کنارے کے جنین مہاجر کیمپ کی ایک مسجد سے اسرائیلی فوج کے اعلانات کی ویڈیو وائرل ہورہی ہے جس میں دیکھا جا سکتا ہے کہ فوجی مسجد میں داخل ہو کر مائیک میں اعلانات کرنے کے ساتھ ساتھ یہودی طریقے سے عبادت بھی کر رہے ہیں۔ اس ویڈیو کے سامنے آتے ہی فلسطینی اتھارٹی کے وزیرِ خارجہ نے اس کی مذمت کی ہے۔ دوسری جانب اسرائیل کی ڈیفنس فورس (آئی ڈی ایف) نے بھی اپنے بیان میں کہا ہے کہ اہلکاروں کا رویہ سنگین اور فوج کی اقدار کے منافی ہے۔ آئی ڈی ایف کے مطابق ویڈیو میں نظر آنے والے اہلکاروں کو فوری طور پر ڈیوٹی سے ہٹا دیا ہے۔