تحریکِ انصاف کا احتجاج، اسلام آباد میں فوج تعینات کردی گئی

تحریکِ انصاف کے احتجاج کے پیشِ نظر اسلام آباد اور راولپنڈی میں موبائل اور انٹرنیٹ سروس جزوی طور پر بند ہیں۔

احتجاج کے باعث شہر کی سڑکوں کو کنٹینر لگا کر بند کیا گیا ہے جب کہ مختلف کاروباری مراکز بھی بند ہیں۔

شہر میں امن و امان کی صورتِ حال کو برقرار رکھنے کے لیے ضلعی انتظامیہ نے اسلام آباد میں دو روز کے لیے ڈبل سواری پر پابندی عائد ہے۔

پاکستان تحریکِ انصاف (پی ٹی آئی) کے وفاقی دارالحکومت اسلام آباد میں احتجاج کے پیشِ نظر اسلام آباد اور راولپنڈی کے بیشتر علاقوں کو کنٹینر لگا کر سیل کر دیا گیا ہے۔

تحریک انصاف نے جمعے کو اسلام آباد کے ڈی چوک پر احتجاج کا اعلان کر رکھا ہے اور اس احتجاج میں شرکت کے لیے وزیرِ اعلیٰ خیبر پختونخوا علی امین گنڈا پور قافلے کی صورت میں اسلام آباد کی جانب رواں دواں ہیں۔

اسلام آباد بالخصوص ریڈ زون کو کنٹینرز لگا کر مکمل سیل گیا ہے جب کہ شہر کے داخلی راستوں کو بھی بند کیا گیا ہے جس کی وجہ سے شہریوں کو بھی مشکلات کا سامنا ہے۔