حکام نے بتایا ہے کہ مشرقی افغانستان میں منگل کو ہونے والے دو مختلف بم دھماکوں میں ایک قانون ساز اور ایک اسکول کا پرنسپل ہلاک ہوگئے ۔
صوبہ لغمان میں بم دھماکے کا نشانہ بننے والے قانون سازصوبائی کونسل کے رکن تھے جبکہ پڑوسی صوبے ننگرہار کے ایک اسکول میں بم پھٹنے سے پرنسپل ہلاک ہوگئے۔
افغانستان میں طالبان شدت پسندوں کی طرف سے سرکاری تنصیبات اور شخصیات پر حملوں میں حالیہ مہینوں میں تیزی دیکھنے میں آئی ہے۔
