پاکستان کی وزیر مملکت برائے خزانہ ڈاکٹر عائشہ غوث پاشا نے کہا ہے کہ آئی ایم ایف نے قرض پروگرام کی بحالی کو بیرونی فنانسنگ کی دستیابی سے مشروط کیا تھا اور دوست ممالک سے یقین دہانی کے بعد پاکستان اسٹاف لیول معاہدے کے بہت قریب ہے۔ اسلام آباد میں وائس آف امریکہ کو دیئے گئے خصوصی انٹرویو میں انہوں نے کہا کہ آئی ایم ایف چاہتا ہے کہ دوست ممالک انہیں پاکستان کو مالیاتی فنڈ کی فراہمی کی براہ راست یقین دہانی کروائیں۔