پاکستان کے بالائی علاقوں میں مزید بارشوں کی پیش گوئی

پاکستان کے محکمۂ موسمیات نے ہفتے کی رات سے منگل تک ملک کے مختلف علاقوں میں بارشوں کی پیش گوئی کی ہے۔

ہفتے کو محکمۂ موسمیات کی جانب سے جاری ایک بیان کے مطابق بحیرۂ عرب سے کم شدت کی مون سون ہوائیں ملک کے بالائی اور وسطی علاقوں میں داخل ہو رہی ہیں۔

پاکستان میں مزید بارشوں کی پیش گوئی ایسے وقت میں کی گئی ہے جب پاکستان کے چاروں صوبوں میں سیلاب نے تباہی مچا رکھی ہے اور لاکھوں لوگ بے گھر ہیں۔