ہر سال 27 جنوری کو ’انٹرنیشنل ہولوکاسٹ ریمیمبرنس ڈے‘ یعنی یہودیوں کے قتلِ عام کی یاد میں دن منایا جاتا ہے۔ اس دن ان 60 لاکھ یہودیوں کو یاد کیا جاتا ہے جو دوسری جنگِ عظیم کے دوران جرمنی کے نازیوں کے ہاتھوں ہلاک ہوئے۔ 27 جنوری 1945 کو سوویت فوجوں نے پولینڈ میں واقع ایک ایسے بڑے حراستی مرکز ’آؤشوِٹس کنسنٹریشن کیمپ‘ کو آزاد کرایا تھا جہاں لاکھوں یہودیوں کو قید رکھا گیا تھا۔ اس کیمپ میں تقریباً 11 لاکھ لوگ ہلاک ہوئے۔ انہیں کبھی گولیاں مار کر، کبھی بم دھماکوں سے اور کبھی گیس چیمبرز میں زہریلی گیس سے ہلاک کیا گیا۔ نیلوفر مغل آپ کو لے کر جا رہی ہیں اسی کیمپ کے ایک گیس چیمبر میں۔