بھارت میں جمعرات کو ایک بس کھائی میں گرنے سے بچوں سمیت کم از کم 22 افرادد ہلاک جب کہ 19 افراد زخمی ہو گئے ہیں۔
پولیس حکام نے بتایا کہ یہ حادثہ ریاست اتراکھنڈ میں پیش آیا اور اس میں سوار افراد سیاحتی مقام مسیورئی”Mussoorie“ سے واپس آر ہے تھے۔ اطلاعات کے مطابق یہ افراد اپنے اہل خانہ کے ہمراہ سال نو کی چھٹیوں پر اس سیاحتی علاقے میں گئے ہوئے تھے، بس میں 42 افراد سوار تھے۔
زخمیوں کو قریبی سرکاری ہسپتال پہنچا دیا گیا ہے اور جائے حادثہ پر ہنگامی امدادی سرگرمیوں میں سرکاری اہلکاروں کے علاوہ مقامی آبادی نے بھی حصہ لیا۔
