لاہور کا الحمرا آرٹس میوزیم 2017 میں قائم کیا گیا تھا۔ اس سے قبل یہ الحمرا آرٹس گیلری کہلاتا تھا جس کی بنیاد 1996 میں رکھی گئی تھی۔ آرٹس میوزیم کے باہر علامہ محمد اقبال کا مسجمہ نصب کیا گیا ہے جب کہ میوزیم کے اندر معین نجمی، خالد اقبال، صوفی تبسم اور نسیم ایچ قاضی کے مجسمے رکھے گئے ہیں۔ آرٹ کے دلدادہ افراد کے لیے بنائے گئے اِس عجائب گھر میں پاکستان کے نامور آرٹسٹوں کے کام کو نمایاں کیا گیا ہے۔ جن میں صادقین، اینا مولکا احمد، جمی انجینئر، عبدالرحمان چغتائی، مغیث ریاض اور اُستاد اللہ بخش شامل ہیں۔
لاہور کا الحمرا آرٹ میوزیم
1
آرٹ کے دلدادہ افراد کے لیے بنائے گئے الحمرا آرٹ میوزیم میں پاکستان کے نامور آرٹسٹوں کے کام کو نمایاں کیا گیا ہے۔
2
نامور آرٹسٹ صادقین، اینا مولکا احمد، جمی انجینئر، عبدالرحمان چغتائی، مغیث ریاض اور اُستاد اللہ بخش کے فن پاروں نے میوزیم کی اہمیت کو مزید بڑھا دیا ہے۔
3
الحمرا آرٹ میوزیم نئے آرٹسٹوں کو نمائش کے لیے پلیٹ فارم مہیا کرتا ہے۔ حال ہی میں عائشہ شاہنواز کے مجسمے کو نمائش کے لیے رکھا گیا ہے۔ یہ مجسمہ بلوچستان کے ایک قدرتی پہاڑ گریٹ اسفینکس کی شکل کا بنایا گیا ہے۔
4
عجائب گھر میں مجسمات کے علاوہ آئل پینٹنگ، واٹر کلر، اکریلک اور اسکیچ ورک سے بنے کام کو رکھا گیا ہے۔
