غزہ میں اسرائیلی حملے میں عورتوں اور بچوں سمیت 100 فلسطینی ہلاک

حزب اللہ نے اعلان کیا ہے کہ اس نے گزشتہ ماہ جنوبی بیروت پر اسرائیلی حملے میں حسن نصر اللہ کی ہلاکت کے بعد نائب سربراہ نعیم قاسم کو رہنما کے طور پر منتخب کر لیا ہے۔

اسرائیل کے وزیر دفاع یوو گیلنٹ نے سوشل میڈیا پلیٹ فارم ایکس پر پوسٹ کیا کہ قاسم ایک "عارضی تقرری" ہے جو زیادہ دیر تک نہیں چلے گی۔ عبرانی زبان میں ایک علیحدہ پوسٹ میں، انہوں نے مزید کہا کہ "الٹی گنتی شروع ہو گئی ہے۔"

ایرانی صدر مسعود پیزیشکیان کی ویب سائٹ نے کہا کہ قاسم کی تقرری سے "مزاحمت کے عزم کو تقویت ملے گی"۔

اس کے علاوہ، لبنان میں اقوام متحدہ کی امن فوج، UNIFIL نے کہا کہ اس کے جنوبی لبنان کے ہیڈکوارٹر "ممکنہ طور پر حزب اللہ یا اس سے منسلک گروپ کی طرف سے" فائر کیے گئے راکٹ کا نشانہ بنا ہے۔ آسٹریا نے کہا کہ اس کے آٹھ فوجی زخمی ہوئے۔

سرکاری اعداد و شمار پر مبنی اے ایف پی کے اعداد و شمار کے مطابق، 23 ستمبر سے لبنان میں کم از کم 1,700 افراد ہلاک ہو چکے ہیں، جب اسرائیل نے حزب اللہ کے خلاف فضائی اور زمینی کارروائی شروع کی تھی، جو کہ حماس کی حمایت میں راکٹ حملے کر رہی تھی۔

غزہ کی سول ڈیفنس ایجنسی نے کہا کہ منگل کے روز ایک رہائشی بلاک پر اسرائیلی فضائی حملے میں تقریباً 100 لوگ ہلاک ہو گئے، اور امددی کارکن زندہ بچ جانے والوں کی تلاش جاری رکھے ہوئے ہیں۔

اس دوران اسرائیل نے غزہ اور لبنان میں اپنی کارروائیو ں کا سلسلہ جاری رکھا ہوا ہے۔

اسرائیل کے اہم اتحادی امریکہ نے اس حملے کو -- جس میں بڑی تعداد میں بچے مارے گئے -- "ہولناک" قرار دیا۔