بشریٰ بی بی اڈیالہ جیل سے رہا، توشہ خانہ ٹو میں اپیلیں سماعت کے لیے مقرر

وزیرِ اعظم شہباز شریف نے کہا ہے کہ جمعرات کو اقوامِ متحدہ کی 79 ویں سالگرہ کے موقع پر ایک بیان میں کہا ہے کہ آج کا دن ہمیں اقوامِ متحدہ چارٹر کے اصولوں اور مقاصد کے حصول کے عزم کے اعادہ کرنے کا موقع فراہم کرتا ہے۔

ایک بیان میں وزیرِ اعظم شہباز شریف نے کہا کہ بین الاقوامی تنازعات عالمی نظام کے بڑے چیلنجوں کی نشاندہی کرتے ہیں اور اقوامِ متحدہ چارٹر کا منصفانہ طریقے سے نفاذ ایک بڑا چیلنج ہے۔

انہوں نے کہا کہ اقوامِ متحدہ کی حقِ خود ارادیت کی قراردادوں کے باوجود جموں و کشمیر اور فلسطین جیسے تنازعات اب بھی حل پذیر ہیں۔ جب تک اقوامِ متحدہ کی بانی دستاویز کی دفعات کو نظر انداز کیا جائے گا، بحران مزید گہرے ہوتے جائیں گے ۔

وزیرِ اعظم نے کہا کہ وہ اس دنیا کو سب کے لیے ایک بہتر جگہ بنانے کے لیے اقوامِ متحدہ کے ساتھ مل کر کام کرتے رہیں گے جہاں تمام لوگوں کے حقوق دلائے جا سکیں۔

پاکستان اور انگلینڈ کے درمیان ٹیسٹ سیریز کے فیصلہ کن میچ میں مہمان انگلش ٹیم ٹاس جیت کر پہلے بیٹنگ کر رہی ہے۔ تین میچز پر مشتمل سیریز کے آخری ٹاکرے کے لیے راولپنڈی کرکٹ گراؤنڈ کی پچ کو اہم قرار دیا جا رہا ہے اور امکان ہے کہ پچ اسپنرز کے لیے سازگار ہو گی۔ انگلش ٹیم تین اسپنرز کے ساتھ میدان میں اتری ہے جب کہ پاکستان کو دو اسپیشلسٹ اسپنرز نعمان علی اور ساجد خان کی خدمات حاصل ہیں جب کہ سلمان آغا اور صائم ایوب بھی اسپن بالنگ اٹیک میں کردار ادا کر سکتے ہیں۔

پاکستان فوج کے شعبہ تعلقات عامہ (آئی ایس پی آر)کے مطابق سیکیورٹی فورسز نے باجوڑ میں آپریشن کرتے ہوئے انتہائی مطلوب دہشت گرد سمیت 9 دہشت گردوں کو ہلاک کر دیا ہے۔

آئی ایس پی آر نے ایک بیان میں کہا ہے کہ فورسز نے گزشتہ شب دہشت گردوں کی موجودگی کی اطلاع پر باجوڑ میں انٹیلی جینس بیسڈ آپریشن کیا جس کے نتیجے میں ہلاک ہونے والے نو دہشت گردوں میں دو خودکش بمبار اور انتہائی مطلوب کمانڈر سید محمد عرف قریشی استاد شامل ہے۔

بیان میں دہشت گردوں کے قبضے سے بڑی تعداد میں اسلحہ و گولہ بارود برآمد کرنے کا دعویٰ کیا گیا ہے۔

صدرِ پاکستان آصف علی زرداری نے باجوڑ میں فوجی کارروائی کے دوران نو دہشت گردوں کی ہلاکت پر سیکیورٹی فورسز کو خراجِ تحسین پیش کیا ہے۔

ایوانِ صدر سے جاری ایک بیان کے مطابق صدر مملکت نے انٹیلی جینس بیسڈ آپریشن کے دوران نو خوارج کو جہنم واصل کرنے پر سیکیورٹی فورسز کی بہادری کو سراہا اور کہا کہ پوری قوم دہشت گردی کے خلاف متحد ہے۔

بیان کے مطابق عوام اور سیکیورٹی فورسز مل کر دہشت گردوں کے عزائم کو ناکام بنائیں گے۔