شاہد خاقان عباسی دونوں نشتوں پر پی ٹی آئی سے پیچھے
سابق وزیر اعظم شاہد حاقان عباسی اپنے آبائی حلقے این اے 57 روال پنڈی 1 میں پی ٹی آئی کے امیدوار سے کافی پیچھے ہیں ۔ اسی طرح اسلام آباد کے حلقے میں عمران خان کے 52160ووٹوں کے مقابلے میں ان کے ووٹ 23220ووٹ ہیں۔
خواجہ سعد رفیق کو سخت مقابلے کا سامنا
این اے 131 لاهور9 کے حلقے میں اب تک کی گنتی کے مطابق عمران خان نے 57834 ووٹ حاصل کیے ہیں جب کہ خواجہ سعد رفیق کے 43632 ووٹوں کے ساتھ ان سے پیچھے ہیں۔ ابھی تک اس یہاں کے تقریباً 50 فی صد ووٹوں کی گنتی ہوئی ہے۔
شہباز شریف سوات سے سیٹ ہار گئے
پاکستان مسلم لیگ نون کے صدر شہباز شریف سوات سے پی ٹی آئی کے اُمیدوار سے ہار گئے ہیں۔ اس حلقے سے پی ٹی آئی کے سلیم الرحمٰن نے 68162 ووٹ حاصل کئے جبکہ شہباز شریف 22756 ووٹ حاصل کر پائے۔ یوں شہباز شریف بڑے مارجن سے یہ سیٹ ہار گئے۔
رانا ثناءاللہ ہار گئے
مسلم لیگ نون کے رہنما رانا ثناءاللہ پی پی 113 فیصل آباد سے پی ٹی آئی کے وارث عزیز سے شکست کھا گئے۔ پی ٹی آئی کے وارث عزیز نے 61041 اور رانا ثناءاللہ نے 56054 ووٹ حاصل کئے۔
قومی اسمبلی میں پی ٹی آئی 114 نشستوں کے ساتھ آگے
42 فیصد حلقوں سے موصول ہونے والے غیر حتمی غیر سرکاری نتائج کے مطابق پی ٹی آئی 114 سیٹوں کے ساتھ آگے ہے جبکہ پاکستان مسلم لیگ نون کو 64 سیٹوں پر سبقت حاصل ہے اور پی پی پی پی 45 سیٹوں کے ساتھ تیسرے نمبر پر ہے۔
صوبائی اسمبلیوں میں پارٹی پوزیشن
تازہ ترین اطلاعات کے مطابق پنجاب اسمبلی میں مسلم لیگ نون 129 سیٹوں کے ساتھ پہلے نمبر پر، پی ٹی آئی 122 سیٹوں کے ساتھ دوسرے اور پاکستان پیپلز پارٹی 6 سیٹوں کے ساتھ تیسرے نمبر پر ہے جبکہ 31 آزاد اُمیدوار بھی کامیاب ہوتے دکھائی دے رہے ہیں۔
سندھ اسمبلی کیلئے پیپلز پارٹی 76 سیٹوں کے ساتھ پہلے، پی ٹی آئی 22 سیٹوں کے ساتھ دوسرے اور ایم کیو ایم پاکستان 18 سیٹوں کے ساتھ تیسرے نمبر پر ہیں۔
خیبر پختونخوا میں پی ٹی آئی 66 سیٹوں کے ساتھ بہت زیادہ سبقت لیے ہوئے ہے جبکہ متحدہ مجلس عمل 9 سیٹوں کے ساتھ دوسرے اور عوامی نیشل پارٹی 7 سیٹوں کے ساتھ تیسرے نمبر پر ہے۔
بلوچستان میں بلوچستان عوامی پارٹی کو 13 نشستوں پر سبقت حاصل ہے۔ بلوچستان نیشنل پارٹی 9 نشستوں کے ساتھ دوسرے اور متحدہ مجلس عمل 8 نشستوں کے ساتھ تیسرے نمبر پر ہے۔
حمزہ شہباز قومی اور پنجاب اسمبلی کی نشست جیت گئے
این اے 124 لاہور 2 سے پاکستان مسلم لیگ نون لیگ کے راہنما حمزہ شہباز ایک لاکھ 39 ہزار سے زیادہ ووٹ لے کر جیت گئے ہیں۔ جب کہ انہوں نے پنجاب اسمبلی کی پی پی 146کی نشست پر بھی کامیابی حاصل کر لی ہے۔
