پیر کو اسلام آباد میں جاری ہونے والے ایک مختصر بیان میں وزارت خارجہ نے امریکہ میں پاکستانی سفیر حسین حقانی کو تبدیل کرنے کی اخباری اطلاعات کی تردیدکی ہے۔
دفتر خارجہ کی ترجمان تہمینہ جنجوعہ نے کہا ہے کہ سفیر حسین حقانی واشنگٹن میں اس منصب پر فائز رہیں گے ۔”اس حوالے سے ذرائع ابلاغ کی خبروں میں کوئی صداقت نہیں۔“
حسین حقانی کو وزیر اعظم یوسف رضاگیلانی نے اپریل 2008میں واشنگٹن میں امریکی سفیر تعینات کیا تھا اور ان کا شمار صدر آصف علی زرداری کے انتہائی قریبی ساتھیوں میں ہوتا ہے۔
