پارلیمنٹ جانے پر جسٹس فائز عیسٰی کی وضاحت

پاکستان ڈیموکریٹک موومنٹ (پی ڈی ایم) نے جب ایک سال قبل ملک میں وفاقی حکومت کی باگ ڈور سنبھالی تومعیشت کی بحالی کو اولین ترجیح بتایا گیا تھا۔

اُس وقت پاکستان کی قوم سے خطاب میں وزیر اعظم شہباز شریف نے جہاں اپنے پیش رو عمران خان پر کھل کر تنقید کی تھی، وہیں ان کی معاشی پالیسیوں پر بھی نکتہ چینی کرتے ہوئےآنے والے مہینوں میں معاشی استحکام لانے کا وعدہ کیا تھا۔

اقتدار ملنے کے 12 ماہ گزرنے کے بعد کیا ملک میں کوئی معاشی استحکام آیا ہے یا معیشت بہتری کی جانب جا رہی ہے؟ یہ وہ سوال ہے جو اس وقت زیرِ بحث ہے۔

اسٹیٹ بینک آف پاکستان کے مطابق گزشتہ سال اپریل کے شروع میں غیر ملکی زرِ مبادلہ کے مجموعی ذخائر تقریباً 11 ارب 42 کروڑ ڈالر تھے جو اس سال کے تازہ اعداد و شمار کے مطابق اب چار ارب 20 کروڑ ڈالر رہ گئے ہیں۔

اسی طرح بیرونِ ملک مقیم پاکستانیوں کی جانب سے بھیجی گئی رقوم میں بھی گزشتہ ایک سال کے دوران کمی دیکھی گئی ہے۔

مکمل خبر پڑھیے۔

پاکستان کے وزیرِاعظم شہباز شریف نے کہا ہے کہ آج اتحادی حکومت کا ایک سال مکمل ہوگیا ہے۔ ان کے بقول یہ مشکلات اور چیلنجز کا وقت رہا۔

شہباز شریف نے ہفتے کو اپنے ٹوئٹس میں کہا کہ عمران خان کی سابق حکومت کے خاتمے کا ذکر کرتے ہوئے کہا کہ عمران نیازی کی حکومت کے خلاف تحریک عدم اعتماد کی منظوری اس لیے غیر معمولی نہیں تھی کہ پی ڈی ایم اقتدار میں آئی بلکہ پاکستان کی تمام سیاسی قوتیں ایک غیرمقبول حکومت کے خلاف ووٹ دینے کے لیے اکٹھی ہوئیں۔

اسلام آباد کی مقامی عدالت نے سابق وزیرِاعظم عمران خان کے خلاف توشہ خانہ کیس جلد سماعت کے لیے مقرر کرنے کی درخواست مسترد کردی ہے۔

ایڈیشنل سیشن جج ظفر اقبال نے توشہ خانہ کیس جلد سماعت کے لیے مقرر کرنے کی الیکشن کمیشن کی درخواست پر سماعت کی۔

سماعت کے دوران عمران خان کے وکیل خواجہ حارث اور فیصل چوہدری عدالت میں پیش ہوئے۔ انہوں نے مؤقف اپنایا کہ جلد سماعت مقرر کرنے کا جواز کیا ہے؟ اس سے پیسہ ضائع ہوتا ہے۔

ان کے بقول الیکشن کمیشن کی مرضی سے 29 اپریل کی تاریخ لی۔ دو دن بعد کمیشن کو خیال آیا کہ تاریخ جلد مقرر کرانی ہے۔

خواجہ حارث کے بقول کیس کا فیصلہ الیکشن کمیشن کے اثر و رسوخ کے بغیر ہونا ہے۔ عمران خان کے خلاف توشہ خانہ کیس میں امتیازی سلوک کیوں کیا جا رہا ہے۔ الیکشن کمیشن چاہتا ہے کہ عمران خان پر فردِ جرم عائد کی جائے۔

پاکستان کی اعلیٰ عدالت میں 'سپریم کورٹ پریکٹس اینڈ پروسیجر بل 2023' چیلنج کردیا گیا ہے۔

ایڈووکیٹ میاں محمد حسین کی جانب سے عدالت میں دائر کردہ درخواست میں کہا گیا ہے کہ اس ایکٹ کو غیرقانونی و غیر آئینی قرار دیا جائے۔ درخواست کے مطابق سپریم کورٹ کے رولز بنانے کا اختیار صرف سپریم کورٹ کو ہی ہے۔ لہٰذا اس سلسلے میں قانون سازی بدنیتی پر مبنی ہے۔

میاں محمد حسین کا کہنا ہے کہ آرٹیکل 70 کے تحت ایکٹ آف پارلیمنٹ کے ذریعے سپریم کورٹ کے اختیارات محدود نہیں کیے جاسکتے۔