تحریکِ انصاف کا مبینہ انتخابی دھاندلی کے خلاف احتجاج، متعدد رہنما زیرِ حراست

پاکستان میں گزشتہ روز پیش آنے والے واقعات اور سیاسی سرگرمیوں سے متعلق پڑھنے کے لیے کلک کریں۔

تحریکِ انصاف نے آٹھ فروری کو ہونے والے انتخابات میں مبینہ دھاندلی کے خلاف اتوار کو احتجاج کا اعلان کیا ہے۔

اس سلسلے میں پنجاب میں احتجاج کے لیے مقامات کا اعلان کر دیا گیا جب کہ دارالحکومت اسلام آباد میں پی ٹی آئی کے کارکنان زیرو پوائنٹ پر جمع ہو رہے ہیں۔

احتجاجی ریلیاں زیرو پوائنٹ سے پریس کلب پہنچیں گی۔

گیلپ پاکستان کے ایگزٹ پول سروے میں کہا گیا ہے کہ آٹھ فروری کو ہونے والے انتخابات میں تعلیم یافتہ نوجوانوں نے پاکستان تحریک انصاف کو ووٹ دیا جب کہ ناخواندہ اور مڈل پاس ووٹرز میں پاکستان مسلم لیگ نواز اور پاکستان پیپلز پارٹی کو زیادہ حمایت ملی۔

سروے کے مطابق 41 فی صد ووٹرز میں 18 سے 24 سال کے ہائی اسکول یا اس سے زیادہ تعلیم یافتہ نوجوان شامل ہیں جب کہ مسلم لیگ (نواز) کو اس طبقے کے 21 فی صد نے ووٹ دیا۔

آٹھ فروی کو کیے گئے سروے کے مطابق بیچلرز اور ماسٹرز ڈگری رکھنے والوں میں سے 35 فی صد افراد نے پی ٹی آئی کو ووٹ دیا جب کہ مسلم لیگ (ن) کو 15 فی صد اور پیپلز پارٹی کو 10 فی صد نے ووٹ دیے۔

نو منتخب صدر آصف علی زرداری کو صدارتی پروٹوکول اور سیکیورٹی فراہم کر دی گئی ہے۔

آصف علی زرداری گزشتہ روز صدر مملکت منتخب ہوئے تھے۔ انہوں نے 411 الیکٹورل ووٹ لیے تھے جب کہ ان کے مد مقابل سنی اتحاد کونسل کے امیدوار محمود خان اچکزائی کو 181 الیکٹورل ووٹ ملے تھے۔