چین میں منگل کو جہاں کمیونسٹ انقلاب کی 70 ویں سالگرہ منائی گئی وہیں ہانگ کانگ کی سڑکیں سارا دن میدانِ جنگ کا سماں پیش کرتی رہیں۔ چین کے قومی دن کے موقع پر ہزاروں مظاہرین شاہراہوں پر نکل آئے۔ مظاہرین نے توڑ پھوڑ بھی کی اور مختلف چیزوں کو آگ لگا دی۔
ہانگ کانگ کی گلیاں میدانِ جنگ بن گئیں
1
ہانگ کانگ میں گزشتہ کئی ہفتوں سے حکومت مخالف مظاہروں کا سلسلہ جاری ہے۔ منگل کو پولیس کی فائرنگ سے ایک طالب علم کی ہلاکت کے بعد اچانک مظاہروں میں تیزی آگئی ہے۔ یہ مظاہرے ایسے موقع پر ہو رہے ہیں جب چین میں کیمونسٹ پارٹی کی حکومت کے 70 سال مکمل ہونے پر ملک بھر میں جشن کا سماں ہے۔
2
مظاہروں کے دوران پولیس کی فائرنگ سے ایک مقامی طالب علم کی ہلاکت کے بعد پرتشدد کارروائیوں میں بھی اضافہ دیکھا جا رہا ہے۔ طالب علم سے اظہار یکجہتی کے سبب بھی مظاہرین کی تعداد میں غیر معمولی اضافہ نوٹ کیا گیا۔
3
اسکول اور کالج کے طلبہ کی بڑی تعداد نے پولیس کی فائرنگ کا نشانہ بننے والے طالب علم سے یکجہتی کا اظہار کیا۔
4
مقامی طالب علم سے اظہار یکجہتی کے لیے مظاہرین نے بینرز اٹھائے ہوئے ہیں۔
