شکست تسلیم، جدو جہد جاری رکھیں گے: کاملا ہیرس

ڈیموکریٹک پارٹی کی صدارتی امیدوار کاملا ہیرس کو منی سوٹا میں کامیابی ملی ہے جس کے بعد ان کے الیکٹورل ووٹوں کی تعداد 224 ہو گئی ہے۔

واضح رہے کہ منی سوٹا کے الیکٹورل ووٹوں کی تعداد 10 تھی جس کاملا ہیرس کو ملے ہیں۔

واضح رہے کہ ری پبلکن پارٹی کے صدارتی امیدوار ڈونلڈ ٹرمپ 267 الیکٹورل ووٹ حاصل کر چکے ہیں۔

امریکہ میں صدر بننے کے لیے 538 الیکٹورل ووٹوں میں سے کم از کم 270 ووٹ حاصل کرنا ضروری ہے۔

ابھی ریاست مشی گن، وسکونسن، نیواڈا، ایریزونا اور الاسکا کے نتائج آنا باقی ہیں۔

ترکیہ کے صدر رجب طیب ایردوان نے ری پبلکن پارٹی کے امیدوار ڈونلڈ ٹرمپ کو مبارک باد دی ہے۔

سوشل میڈیا پر ایک بیان میں رجب طیب ایردوان کا کہنا تھا کہ ’’میں اپنے دوست ڈونلڈ ٹرمپ کو دوبارہ امریکہ کا صدر منتخب ہونے پر مبارک باد پیش کرتا ہوں۔‘‘

انہوں نے امید ظاہر کے نئے دور میں امریکہ اور ترکیہ کے تعلقات مضبوط ہوں گے۔

ری پبلکن صدارتی اُمیدوار ڈونلڈ ٹرمپ الیکشن جیتنے کے لیے درکار الیکٹورل ووٹ حاصل کر کے امریکہ کے نئے صدر بن گئے ہیں۔

وائس آف امریکہ کی گنتی کے مطابق ڈونلڈ ٹرمپ کو 277 الیکٹورل ووٹ مل چکے ہیں جب کہ صدر بننے کے لیے 270 الیکٹورل ووٹ درکار ہوتے ہیں۔ ڈیمو کریٹک صدارتی اُمیدوار کاملا ہیرس اب تک 224 ووٹ حاصل کر سکی ہیں۔

صدارتی انتخاب کے لیے اہم سمجھے جانے والی سوئنگ ریاست وسکونسن میں کامیابی کے بعد ڈونلڈ ٹرمپ نے 270 کا ہندسہ عبور کیا۔ اس سے قبل ڈونلڈ ٹرمپ نارتھ کیرولائنا، پینسلوینیا اور جارجیا سے بھی جیت گئے تھے۔

ایران کی کرنسی ایک ایسے وقت اپنی تاریخ کی کم ترین سطح پر آگئی ہے جب امریکہ کے صدارتی انتخاب میں ڈونلڈ ٹرمپ کو واضح برتری حاصل ہوچکی ہے۔

تہران کے منی ٹریڈرز کے مطابق ایران میں ایک ڈالر کی قیمت سات لاکھ تین ہزار ریال ہوگئی ہے اور اس میں مزید تبدیلی کا امکان بھی ہے۔

ایران کا مرکزی بینک مقامی کرنسی کی قدر میں استحکام کے لیے ماضی کی طرح مداخلت کر سکتا ہے۔

سال 2015 میں جب ایران نے عالمی قوتوں سے جوہری معاہدہ کیا تھا تو اس کی مقامی کرنسی کی قدر ایک ڈالر کے مقابلے میں 32 ہزار ریال تھی۔ رواں برس جولائی میں یہ قدر پانچ لاکھ 84 ہزار فی ڈالر ہوگئی تھی۔

ایران میں خدشات پائے جاتے ہیں کہ ڈونلڈ ٹرمپ صدارت سنبھالنے کے بعد تہران مزید پابندیاں عائد کریں گے۔