کیا ڈاک سے ملنے والے ووٹوں کی گنتی تک حتمی فیصلہ ممکن ہے؟
ٹوئٹر نے صدر ٹرمپ کی ٹوئٹ پر لیبل لگا دیا
صدر ٹرمپ نے اپنی ایک ٹوئٹر پوسٹ میں ریاست جارجیا اور نارتھ کیرولائنا میں برتری کا دعویٰ کیا جس پر ٹوئٹر نے لیبل لگا دیا ہے۔
ٹوئٹر نے لیبل میں کہا کہ جب یہ ٹوئٹ کی گئی اس وقت تک آفیشلز نے ان ریاستوں کے نتائج جاری نہیں کیے تھے۔
صدر ٹرمپ نے دعویٰ کیا تھا کہ اُنہیں جارجیا، پنسلوینیا اور نارتھ کیرولائنا میں برتری حاصل ہے۔ انہوں نے مشی گن میں بھی برتری کا دعویٰ کیا تھا لیکن اس ریاست میں جو بائیڈن کامیاب ہوئے ہیں۔
صدارتی انتخاب جیتنے کے لیے 270 الیکٹورل ووٹ درکار
الیکشن میں غیر ملکی مداخلت کے شواہد نہیں ملے: امریکی حکام
امریکہ کے حکام نے کہا ہے کہ تین نومبر کو ہونے والے صدارتی انتخابات میں کسی غیر ملکی مداخلت کے شواہد نہیں ملے۔
سیکیورٹی حکام کے بقول امریکہ کے مخالف کسی بھی ملک کی جانب سے صدارتی انتخابات میں مداخلت کی نشان دہی نہیں ہوئی جس کے بعد یہ کہا جا سکتا ہے کہ امریکی عوام کے ووٹ سے ہی اگلا صدر منتخب ہو گا۔
امریکہ کی سائبر سیکیورٹی اینڈ انفرا اسٹرکچر ایجنسی (سی آئی ایس اے) کے سربراہ کرسٹوفر کریبز نے بدھ کی شب جاری اپنے ایک بیان میں کہا ہے کہ "ہمارے پاس اس بات کا کوئی ثبوت نہیں ہے کہ کسی غیر ملکی دشمن نے امریکیوں کو ووٹ ڈالنے یا ووٹوں کی گنتی میں اثر انداز ہونے کی کوشش کی۔"
اسی نوعیت کی یقین دہانی تین نومبر کو پولنگ ختم ہونے کے بعد بھی سیکیورٹی حکام نے کرائی تھی۔