جنوبی وزیرستان میں فوجی چوکی پر حملہ

قبائلی علاقے جنوبی وزیرستان میں سکیورٹی فورسز کی ایک چوکی پر شدت پسندوں کے راکٹ حملے میں کم از کم ایک اہلکا رہلا ک اور د وزخمی ہو گئے ۔ حکام کے مطابق جوابی کارروائی میں پانچ شدت پسند بھی مارے گئے۔

حکام کے مطابق تحصیل لدھا میں سکیورٹی فورسز کی ایک چوکی پر خودکا ر ہتھیاروں اورراکٹوں سے لیس درجنوں شدت پسندوں نے یہ حملہ کیا۔

اطلاعات کے مطابق زخمیوں کو ایک ہیلی کاپٹر کے ذریعے بنوں کی ایک فوجی ہسپتال منتقل کر دیا گیا ہے ۔

حالیہ ہفتوں میں جنوبی وزیرستان میں سکیورٹی اہلکار وں پر کئی حملے کیے گئے ہیں۔ گذشتے ہفتے بارودی سرنگ کے ایک دھماکے میں تین اہلکار ہلاک ہو گئے تھے۔