پاکستانی سوشل میڈیا پر جمعرات کی شام کو بائیکاٹ بینک الفلاح ٹرینڈ کر رہا ہے۔
اس کی وجہ کچھ یوں ہے کہ ڈان اور بی بی سی سے تعلق رکھنے والے حیدر زیدی نے بدھ کے روز اپنی ایک ٹویٹ میں فضیل تجمل نام کے ایک شخص کے سکرین شاٹ پوسٹ کیے تھے جن میں یہ صاحب اپنے سوشل میڈیا پر مسلسل دشنام طرازی میں ملوث دیکھے جا سکتے ہیں۔
حسن زیدی نے ان صاحب کے سکرین شاٹس پر چند ٹویٹس کرتے ہوئے بینک الفلاح سے سوال کیا کہ کیا وہ ایسے افراد کو اپنے بینک میں ملازمت پر رکھتے ہیں؟
فضیل تجمل کے لنکڈ ان پروفائل سے دیکھا جا سکتا ہے کہ وہ بینک الفلاح میں یونٹ ہیڈ کی خدمات سرانجام دے رہے تھے۔
حس زیدی کے ٹویٹ کرتے ہی اور لوگوں نے بھی بینک الفلاح سے مطالبہ کیا کہ ایسے لوگوں کے خلاف ایکشن لیا جائے۔
اس پر آج بینک الفلاح نے اپنے آفیشل ٹویٹر ہینڈل سے ٹویٹ کیا کہ ان صاحب کے خلاف مناسب ایکشن لیا گیا ہے۔ بینک کا کہنا تھا کہ بینک ذاتی حملے اور سخت زبان کو کوڈ آف کنڈیکٹ کی خلاف ورزی سمجھتا ہے۔
— Bank Alfalah (@BankAlfalahPAK) June 13, 2019
اس پر ٹویٹر پر بائی کاٹ بینک الفلاح ٹرینڈ کر رہا ہے جس پر لوگ بینک کی جانب سے اس ایکشن پر سوال کھڑا کر رہے ہیں وہیں پہ سوشل میڈیا پر گرما گرم بحث ہو رہی ہے کہ کیا کسی کو محض گالیاں دینے کی پاداش میں نوکری سے برخاست کرنا ٹھیک اقدام تھا؟
سوشل میڈیا ویب سائٹ پر سوالات اٹھائے جا رہے ہیں کہ کیا بینک کسی کو اس کے ذاتی سوشل میڈیا پر اختیار کیے گئے رویے پر نوکری سے نکال سکتا ہے؟
اس پر سوشل میڈیا صارفین اپنی رائے کا اظہار کر رہے ہیں۔
سوشل میڈیا پر سرگرم رہنے والے فرحان ورک نے ٹویٹ کیا کہ بینک کی جانب سے اپنے ملازم کو دشنام طرازی پر ملازمت سے نکالنے کی مذمت کرنی چاہئے۔ بینک اسے وارننگ بھی دے سکتا تھا۔ یوں ملازمت سے نکالنے سے سیاسی تعصب کی جھلک دکھتی ہے۔
#BoycottBankAlFalah Bank Al Falah can condemn their employer for using abusive language, send him a warning. Firing him straight looks just like political biasedness and nothing else
— Dr Farhan K Virk (@FarhanKVirk) June 13, 2019
دبئی میں مسالہ میگزین کی ڈجیٹل ایڈیٹر اور سوشل میڈیا پر کافی سرگرم وی لوگر مہوش اعجاز نے بھی لکھا کہ بینک وارننگ دے کر چھوڑ سکتا تھا اور ساتھ ہی سوشل میڈیا سے متعلق اپنی پالیسی کو واضح کر دیتا۔
Should have been let off with a warning. And then it’s important to give clarity on what the bank’s policy is. And stupid ppl who have turned that abuser into a hero should also try and understand what is the problem here.
— Mahwash Ajaz (@mahwashajaz_) June 13, 2019
محسن حجازی نے لکھا کہ بینک کا اقدام ملازم کے عمل سے مطابقت نہیں رکھتا۔ گالی دینے سے وہ نقصان نہیں ہوتا جو کسی کی نوکری چلے جانے سے ہوتا ہے، خاص کر جب معاشی حالات اس قدر سخت ہوں۔
انہوں نے لکھا کہ آزادی اظہار اور جمہوریت کے اصول صرف ان لوگوں کے لیےلاگو نہیں ہونے چاہیے جو ہمارے خیالات سے متفق ہوں۔
ہیومن ریسورس پروفیشنل وجیہہ حسین نے لکھا کہ جن لوگوں کا خیال ہے کہ یہ سخت سزا ہے انہیں سمجھنا چاہئے کہ سوشل میڈیا پر موجودگی آپ کی پروفیشنل پروفائل کا حصہ ہے۔ ریکروٹرز اور ہیومن ریسورس کے پروفیشنل ملازمین کو مسلسل یہ یاددہانی کرواتے رہتے ہیں کہ وہ سوشل میڈیا پر ذمہ داری برتیں۔ کمپنیاں ملازمین کی آن لائین موجودگی کو دیکھتی رہتی ہیں۔
For those who think it was harsh,well your #socialmedia presence is very much a part of your professional profile these days. #Recruiters & #HR professionals constantly remind people to be responsible about what they say on SM.Companies search for your online presence https://t.co/YHIJBsy9xp
— Wajeeha Hussain (@Wajeeha_H) June 13, 2019
ڈجیٹل حقوق کی کارکن نگہت داد نے وائس آف امریکہ سے بات کرتے ہوئے کہا کہ ان کا نہیں خیال کہ ابھی تک پاکستان کے کارپوریٹ سیکٹر نے سوشل میڈیا سے متعلق حکمتِ عملی متعین کی ہے۔
Nighat Dad-website shot
ان کا کہنا تھا کہ سوشل میڈیا پر اظہار، ستم ظریفانہ جملوں، طنزو مزاح، تنقید اور متبادل نظریات کی صورت میں کیا جا سکتا ہے۔ جب آپ کا اظہار دوسروں کو نقصان پہنچانا شروع ہو جائے تو وہ آزادی اظہار کے زمرے میں نہیں آتا۔ گالی، گالی ہی ہوتی ہے۔ خصوصا جنس کی بنیاد پر گالم گلوچ آزادی اظہار میں نہیں آتا۔
ان کا کہنا تھا کہ لوگوں کی طرف سے آن لائین اسی ذہنیت کا اظہار ہوتا ہے جس سوچ کے وہ عام زندگی میں حامل ہوتے ہیں۔ اس لیے آن لائن اور آف لائن میں فرق نہیں کرنا چاہیے۔
ان کا کہنا تھا کہ جاب سے نکالنا کوئی حل نہیں ہے، انہیں معطل کیا جا سکتا تھا، ایسی ٹریننگ دی جانی چاہئے کہ آن لائین ایسی زبان استعمال کرنے سے بینک کی ساکھ پر کیسے اثر ہو سکتا ہے۔