ایک سڑک جو شمالی غزہ سے فرار ہونے والوں کے پر خطر سفر کی گواہ ہے

فلسطینی پناہ گزینوں کے لیے اقوام متحدہ کی ایجنسی کیا کہتی ہے؟

لیکن اب بھی لاکھوں شہری شمالی غزہ میں رہ گئے ہیں۔فلسطینی پناہ گزینوں کے لیے اقوام متحدہ کی ایجنسی کا کہنا ہے کہ 530,000 سے زیادہ لوگ اس کی تنصیبات میں پناہ لیے ہوئے ہیں۔

ان میں بہت سے اسپتالوں یا اقوام متحدہ کی تنصیبات میں پناہ لیے ہوئے ہیں۔ جو لوگ ٹھہرے ہوئے ہیں ان کا کہنا ہے کہ وہ جنوب میں جنہیں محفوظ علاقے سمجھا جاتا ہے،لوگوں کی انتہائی بڑی تعداد کے ساتھ ساتھ پانی اور خوراک کی کم ہوتی ہوئی رسد، اور اسرائیلی فضائی حملوں کے جاری رہنے سے پریشان ہیں ۔

پیر کے روز غزہ میں حماس کی وزارت صحت کے ترجمان اشرف القدرہ نے محفوظ راستے کی اسرائیلی پیشکش کو "محض موت کی گزرگاہوں " سے تعبیر کرتے ہوئے مسترد کر دیا۔

انہوں نے ریڈ کراس کی بین الاقوامی کمیٹی سے اپیل کی کہ وہ لاشیں اٹھانےکے لیے مقامی ایمبولینسوں کے ساتھ جائیں۔

اسرائیل کا دعویٰ

پانچ نومبر کو غزہ میں اسرائیلی فوج اور ٹینک۔

اسرائیلی فوج نے کہا کہ ایک موقع پر فوجی اس وقت حماس کی گولیوں کی زد میں آگئے جب وہ سڑک کو عارضی طور پر شہریوں کے لیے کھولنے کی کوشش کر رہے تھے۔

اسرائیل کے وزیر اعظم بن یامن نیتن یاہو نے پیر کو دیر گئے نشر ہونے والے اے بی سی نیوز کے ساتھ ایک انٹرویو میں فوج کے دعوؤں کا اعادہ کیا۔

نیتن یاہو نے کہا"ہم ایک ایسے دشمن سے لڑ رہے ہیں جو خاص طور پر سفاک ہے۔ وہ اپنے شہریوں کو انسانی ڈھال کے طور پر استعمال کر رہے ہیں ،جبکہ ہم فلسطینی شہری آبادی کو جنگ کے علاقے سے نکل جانے کا کہہ رہے ہیں، وہ بندوق کی نوک پر انہیں روک رہے ہیں۔''

ان دعوؤں کی غیر جانبدار ذرائع سے تصدیق نہیں ہو سکی۔

اقوام متحدہ

قوام متحدہ کے مانیٹرز کے مطابق اتوار کو انخلاء کے لئے چار گھنٹے کا وقفہ دیا گیا تھا جس کے دوران 2 ہزار سے بھی کم فلسطینی شہریوں نےاس پر عمل کیا، جس کے بعد پیر کو تقریباً 5 ہزار محصور افراد نے جانے کی کوشش کی۔

چھے نومبر کو مگھازی کیمپ پر بمباری کے بعد مکین وہاں سے نکلنے کی کو شش کر رہے ہیں۔

ان میں سے کچھ کا تعلق غزہ شہر اور اس سے ملحق شطی پناہ گزین کیمپ سے تھا، جو پیر کو رات بھر اسرائیلی بمباری کے بعد وہاں سے فرار ہو ئے۔

ایک نوجوان خاتون امل نے،جس نے حفاظتی خدشات کی وجہ سے اپنے خاندان کا نام بتانے سے انکار کیا ،کہا کہ،"گزشتہ رات بہت مشکل تھی،" ۔ ا وہ پیر کو سفر کرنے والے 17 افراد کے گروپ کا حصہ تھی اس نے کہا کہ ٹینکوں نے گروپ کے قریب فائرنگ کی۔ ہر ایک کو گزرنے کی اجازت دینے سے پہلے اپنے ہاتھ اور سفید جھنڈے اٹھانے کا حکم دیا۔

27 سالہ نور ناجی ابو ناصر اتوار کو جنوبی غزہ میں خان یونس پہنچیں۔ انہوں نے ایک گھنٹے طویل خوفناک سفر کو بیان کیا۔ان کے الفاظ میں "انہوں نے ہمارے آس پاس ریت پر گولیاں چلائیں۔ وہ ہمیں ڈرانا چاہتے تھے،"

غزہ شہر سے جنوب کو فرار ہونے والوں کا ایک اور قافلہ صلاح الدین اسٹریٹ پر۔

انہوں نے مزید کہا کہ انہوں نے غزہ شہر کے باہر سڑک کے کنارے لاشیں پڑی دیکھی تھیں۔ ایک بار جب شمال سے فرار ہونے والے افراد انخلاء کے علاقے میں پہنچ گئے تو ہائی وے کے ساتھ واقع بوریج مہاجر کیمپ کے رہائشیوں نے انہیں پانی پیش کیا - جو جنگ کے شکار غزہ میں ایک نایاب نعمت ہے۔

اقوام متحدہ کے اعدادوشمار کے مطابق چار ہفتوں سے جاری جنگ نے غزہ بھر میں 15 لاکھ سے زائد افراد کو بے گھر کر دیا ہے۔

اسرائیلی فوج نے کہا کہ ہزاروں افراد نے جنوب کی طرف جانے کے ا س کے احکامات پر عمل کیا۔

تاہم فلسطینی پناہ گزینوں کے لیے اقوام متحدہ کی ایجنسی کا کہنا ہے کہ 530,000 سے زیادہ لوگ جنوبی غزہ میں اس کی تنصیبات میں پناہ لیے ہوئے ہیں، اور اب یہاں نئے آنے والوں کےلیے جگہ نہیں ہے۔

ایجنسی نے کہا کہ بے گھر ہونے والے بہت سے لوگ حفاظت کی خاطر اقوام متحدہ کی پناہ گاہوں کے قریب گلیوں میں سو رہے ہیں۔

(اس خبر میں شامل معلومات اے پی سے لی گئی ہی)