اسپین میں جسموں پر سیاہ رنگ ملنے کا انوکھا میلہ

اسپین میں جسموں پر سیاہ رنگ ملنے کا میلہ ہر سال ستمبر میں منایا جاتا ہے جس میں تقریباً 15 ہزار افراد حصّہ لیتے ہیں۔

اسپین میں 15 ویں صدی میں چوری کا ایک واقعہ ہوا تھا جس میں چور نے گرجا گھر سے کچھ مذہبی تصاویر چرائی تھیں۔

چور کو پکڑنے کے لیے لوگ اس کے پیچھے بھاگے تھے اور چور پر سیاہ رنگ پھینکنے لگے۔

اس چوری سے دو دیہاتوں کے درمیان لڑائی بھی ہوئی تھی۔ گوڈکس اور بازا کے مقامی لوگ اسی لڑائی کی یاد میں یہ تہوار مناتے ہیں۔

میلے میں پھینکا جانے والا گریس نما سیاہ رنگ لوگوں کے لیے نقصان دہ نہیں ہوتا۔ مقامی انتظامیہ یہ سامان لوگوں کو خود مہیّا کرتی ہے۔

اس میلے کو کاسکاموراس نام دیا گیا ہے اور یہ تین روز تک جاری رہتا ہے۔

اسپین کا یہ انوکھا میلہ سیاحوں کے لیے بھی ایک خاص کشش رکھتا ہے۔

اس میلے کو 2006 میں 'نیشنل ٹورسٹ انٹرسٹ آف اسپین' میں بھی شامل کر دیا گیا تھا۔