پاکستانی اداکارہ مہوش حیات، سجل علی اور کبریٰ خان نے اپنے خلاف سوشل میڈیا پر جاری مہم پر ردِ عمل کا اظہار کیا ہے۔ اداکارہ کبریٰ خان اس معاملے پر قانونی چارہ جوئی کا بھی اعلان کیا ہے۔
گزشتہ دنوں فوج کے سابق افسر اور سوشل میڈیا انفلوئنسر عادل راجا نے ایک ویڈیو میں پاکستانی اداکاراؤں کے ملک کے طاقت ور خفیہ ادارے انٹر سروسز انٹیلی جنس (آئی ایس آئی) کے ہاتھوں استعمال ہونے کے الزامات لگائے تھے۔
اس ویڈیو کے بعد سوشل میڈیا پر اداکارہ مہوش حیات، سجل علی، ماہرہ خان اور کبریٰ خان کا نام ٹرینڈ کرنے لگا اور اس متعلق صارفین مختلف تبصرے بھی کرنے لگے۔
اداکارہ کبریٰ خان نے دو جنوری کو اپنےانسٹاگرام اکاؤنٹ پر بیان جاری کرتے ہوئے کہا کہ "میں پہلے اس معاملے پر خاموش تھی کیوں کہ ایک فیک ویڈیو میری شخصیت پر حاوی نہیں ہوسکتی۔"
کبرٰی خان نے کہا کہ "آپ کو کیا لگتا ہے کہ کوئی بھی شخص مجھ پر بیٹھے بٹھائے انگلی اٹھائے گا اور میں چپ بیٹھوں گی تو یہ آپ کی سوچ ہے۔"
اداکارہ نے عادل راجا کو مخاطب کرتے ہوئے کہا کہ دوسروں پر الزامات لگانے سے قبل ثبوت سامنے لائیں، آپ کے پاس ثبوت لانے کے لیے صرف تین دن کا وقت ہے۔ اگر آپ ایسا نہ کر سکے تو اپنا بیان واپس لیں اور عوام کے سامنے معافی مانگیں اور اگر آپ نے ایسا نہیں کیا تو میں آپ پر ہتکِ عزت کا مقدمہ دائر کروں گی۔
Miss Kubra M Khan, I haven%27t named or defamed you in any way and condemned speculations regarding anyone%27s name being mentioned wrt my vlog. However, you have explicitly named and defamed me based on speculations and heresy. Good thing you are coming to the UK... pic.twitter.com/CPXim1X5yH
— Adil Raja (@soldierspeaks) January 2, 2023
عادل راجا نے ایک ٹوئٹ کے ذریعے کبریٰ خان کو جواب دیا ہے۔ انہوں نے اداکارہ کو مخاطب کرتے ہوئے کہا کہ "میں نے کسی بھی طرح سے آپ کا نام یا بدنامی نہیں کی ہے۔ البتہ میں نے کسی کا نام لینے سے متعلق قیاس آرائیوں کی مذمت کی ہے۔ تاہم آپ نے قیاس آرائیوں کی بنیاد پر واضح طور پر میرا نام لیا ہے۔ اچھی بات ہے کہ آپ برطانیہ سے آ رہی ہیں۔"
عادل راجا نے اپنی ویڈیو میں براہِ راست کسی اداکارہ کا نام نہیں لیا تھا بلکہ انہوں نے اشارہ دیتے ہوئے اداکاراؤں کے نام کے شروع کے حروف بتائے تھے۔
🔴 جنرل باجوہ (ر) اور جنرل فیض حمید (ر)، پاکستان کی مشہور ماڈلز اور اداکاروں کا جنسی استمعال کرتے تھے۔ جن میں سے چار نام یہ ہی۔ - میجر (ر) عادل راجا @soldierspeaks1- M H. 2- M K. 3- K K. 4- S A pic.twitter.com/MP7wHvfAaK
— Gul Gee, The Crypto Guru 🌐 (@GulGeeOfficial) December 31, 2022
انہوں نے اپنی ویڈیو میں آئی ایس آئی اور فوج کے سابق سربراہان کا نام لیتے ہوئے کہا تھا کہ "جنرل فیض حمید اور سابق آرمی چیف جنرل قمر جاوید باجوہ کے ذرائع کا دعویٰ ہے کہ جنسی طور پر استعمال ہونے والی چار اداکارائیں ہیں، جن کا نام میں نہیں لوں گا۔"
عادل راجا کے بقول "وہ ان اداکاراؤں کے ناموں کے شروع کے حروف بتائیں گے جن میں ایم ایچ، ایم کے، اے کے اور ایس اے شامل ہیں۔"
انہوں نے یہ بھی کہا کہ ان حروف کو سن کر سمجھنے والے خود سمجھ جائیں گے۔
اس کے ردِ عمل میں اداکارہ مہوش حیات نے بھی ٹوئٹر پر بیان جاری کیا ہے۔ اداکارہ نے کہا کہ "سستی شہرت حاصل کرنے کے لیے کچھ لوگ انسانیت کے درجے سے بھی گر جاتے ہیں، امید ہے کہ آپ دو منٹ کی شہرت سے محظوظ ہو رہے ہوں گے۔ "
Sasti shohrat haasil karne k liye kuch logue insaaniat k darjay se bhi girjatay hain . Hope you’re enjoying your two mins of fame. Just because I am an actress doesn’t mean my name can be dragged through the mud. Shame on you for spreading baseless allegations and 1/2
— Mehwish Hayat TI (@MehwishHayat) January 2, 2023
مہوش حیات نے کہا کہ صرف اس وجہ سے کہ میں ایک اداکارہ ہوں اس کا یہ مطلب نہیں کہ مجھ پر کیچڑ اچھالا جائے، انہوں نے بغیر نام لیے کہا کہ آپ کو بے بنیاد الزامات لگانے پر شرم آنے آنی چاہیے۔
اداکارہ نے مزید کہا کہ وہ کسی کو اپنا نام بدنام کرنے کی اجازت نہیں دیں گی۔
سجل علی نے بھی سوشل میڈیا پر اپنا نام ٹرینڈ ہونے کے بعد بیان جاری کیا جس میں انہوں نے کہا کہ "یہ بہت افسوس ناک ہے کہ ہمارا ملک اخلاقی طور پر پستی کی طرف جاتا جا رہا ہے۔ کردار کشی انسانیت کی بدترین شکل اور گناہ ہے۔"
It is very sad that our country is becoming morally debased and ugly; character assassination is the worst form of humanity and sin.
— Sajal Ali (@Iamsajalali) January 2, 2023
وزیرِ اعلیٰ پنجاب کی ترجمان مسرت چیمہ نے عادل راجا کی سوشل میڈیا پوسٹ شیئر کرتے ہوئے کہا کہ "خواتین کی کردار کشی پر آپ کو معافی مانگنی چاہیے، یہ تمام فن کار اپنی محنت سے اپنے پروفیشن میں اپنا نام پیدا کر چکے ہیں۔‘‘
’’اس کردار کشی کی سیاست اور پروپیگنڈا کی صحافت سے عوام بے زار ہو چکے ہیں۔ اگر آپ معافی نہیں مانگتے تو اپنے ناظرین سے بد دیانتی کریں گے اور اپنا نقصان کریں گے۔"
خواتین کی کردار کشی پر آپ کو معافی مانگنی چاہیے. یہ تمام فنکار اپنی محنت سے اپنے پروفیشن میں اپنا نام پیدا کر چکے ہیں. اس کردار کشی کی سیاست اور پراپگنڈہ کی صحافت سے عوام بےزار ہوچکے ہیں. آپ اگر معافی نہیں مانگتے تو اپنے viewers سے بددیانتی کریں گے اور اپنا نقصان کریں گے. https://t.co/tuISU9D9yw
— Musarrat Cheema (@MusarratCheema) January 2, 2023
اس ٹوئٹ کے جواب میں عادل راجا نے کہا کہ "میں نے اپنی ویڈیو میں کسی کا نام نہیں لیا اور اس حوالے سے جاری قیاس آرائیوں کی مذمت بھی کرتا ہوں۔"
Behan, I didn%27t name anyone and condemned speculations in this regard. I was a big fan of your uncle and it was never my intention to expose him. But reality bites and for national interests, personal interests must be superseded if required.
— Adil Raja (@soldierspeaks) January 3, 2023
انہوں نے مزید کہا کہ لیکن سچ کڑوا ہوتا ہے اور ضرورت پڑنے پر قومی مفادات کو ذاتی مفاد پر ترجیح دینی چاہیے۔
پاکستان مسلم لیگ (ن) کی نائب صدر مریم نواز کے پولیٹیکل سیکریٹری ذیشان ملک نے ٹوئٹر پر کبریٰ خان، مہوش حیات، سجل علی اور ماہرہ خان کی تصویر شیئر کرتے ہوئے لکھا کہ "یہ خواتین مقامی انڈسٹری میں اپنے بہترین کام کی وجہ سے پہچانی جاتی ہیں، جب کہ انہوں نے بیرونِ ملک بھی پاکستان کا نام روشن کیا ہے۔"
These women are known for their phenomenal work in in our local industry, and have also showcased Pakistani star power abroad. From Bollywood to Hollywood, their charisma and talent is well known. The misogynistic smear campaign against them is something to be strongly condemned pic.twitter.com/9iJdOf3otP
— Zeeshan Malik (@ZeshanMalick) January 2, 2023
ذیشان ملک نے کہا کہ ان اداکاراؤں کے خلاف اس مہم کی شدید مذمت کی جانی چاہیے۔
پاکستان کے سابق صدر جنرل پرویز مشرف کے معاونِ خصوصی ذاہیب نبیل نے بھی سوشل میڈیا پر پاکستانی اداکاراؤں کے خلاف مہم کی شدید مذمت کی ہے۔ انہوں نے کہا کہ یہ خواتین پاکستان کا فخر ہیں۔
These women are pride of Pakistan. The misogynistic smear campaign against them is something to be strongly condemned. #mahirakhan #SajalAly #MehwishHayat #Kubrakhan pic.twitter.com/kTp9hz6KD9
— M.Zahaib Nabeel (@zahaibnabeel) January 2, 2023
یاد رہے کہ پاکستانی اداکارہ مہوش حیات کو 2019 میں 'یومِ پاکستان' کے موقع پر صدرِ پاکستان ڈاکٹر عارف علوی نے تمغہ امتیاز سے نوازا تھا۔
ان کے علاوہ سوشل میڈیا پر تنقید کی زد میں آنے والی اداکارہ سجل علی اور کبریٰ خان حال ہی میں پاکستان فوج کے اشتراک سے بننے والے ڈرامے 'صنفِ آہن' میں نظر آئی تھیں۔