نئے سال کے آغاز سے ہی ٹوئیٹر پر پوری دنیا کے رہنماؤں کی جانب سے مبارک باد کے پیغامات آنا شروع ہوگئے ہیں۔ عالمی رہنماؤں کے پیغامات زیادہ تر اپنے ممالک کی مقامی سیاست اور حکومت کی جانب سے ملک کے لئے اٹھائے گئے اقدامات کیے گِرد گھومتے رہے۔
امریکی صدر ڈانلڈ ٹرمپ نے اپنے پیغام میں کہا کہ انہیں یقین ہے کہ آنے والا سال پچھلے سال کی طرح بہت اچھا ہوگا۔ انہوں نے اپنے پیغام میں ’’ملک کی بہتر ہوتی معاشی صورت حال‘‘ اور اپنی حکومت کی جانب سے اٹھائے گئے اقدامات کا ذکر کیا۔
امریکی صدر نے کینیڈا اور جنوبی کوریا کے ساتھ ملکی مفاد میں کئے گئے تجارتی معاہدوں جب کہ ایران کے ساتھ جوہری معاہدے کے خاتمے کا ذکر کیا۔ تاہم، انہوں نے اس بات کو تسلیم کیا کہ آنے والا برس پیچیدہ ہو سکتا ہے۔
کینیڈا کے وزیر اعظم جسٹن ٹروڈو نے اپنے پیغام میں اپنے ہم وطنوں کے لئے صحت اور خوشی کی دعا کی۔
انہوں نے بھی مقامی سیاست اور اپنی حکومت کی جانب سے اٹھائے گئے اقدامات کا ذکر کیا جس میں ’نافٹا‘ کے تجارتی معاہدے کا ذکر شامل تھا۔
Happy New Year! I want to wish all Canadians good health and happiness in 2019, I hope you have a safe and fun celebration with family & friends tonight. https://t.co/XiCEbKMnnU
— Justin Trudeau (@JustinTrudeau) December 31, 2018
اپنے نئے سال کے پیغام میں برطانوی وزیر اعظم تھریسا مے نے اپنی حکومت کی جانب سے بریگزٹ ڈیل کا ذکر کیا اور یہ بتایا کہ یہ کیسے برطانوی عوام کے لئے بہتر ثابت ہوگی۔
"New Year is a time to look ahead. 2019 can be the year we put our differences aside and move forward together." – PM @Theresa_May pic.twitter.com/qoSI8l4iZH
— UK Prime Minister (@10DowningStreet) December 31, 2018
فرانس کے صدر امانوئل مکخواں نے بھی مقامی سیاست سے متعلق نئے برس کا پیغام دیا۔ انہوں نے ملک میں جاری اصلاحات کے ایجنڈے کی بات کی۔ انہوں نے عوام سے اپیل کی کہ وہ حقائق کا درست ادراک کریں۔
فرانسیسی صدر نے کہا ہے کہ ’’ایسا نہیں ہو سکتا کہ ہم کم کام کریں اور زیادہ کمائیں، ٹیکس کم دیں اور اخراجات بڑھائیں‘‘۔ ان کا کہنا تھا کہ ’’اصلاحات کے نتائج فوری نہیں ہو سکتے اور اس میں وقت لگے گا‘‘۔
روس کے صدر ولادمیر پوٹن نے اپنے پیغام میں کہا ہے کہ روس کا کوئی دوست نہیں ہے اور نہ ہی ہو گا، اس لئے روس کے باشندوں کو خود ہی مل جل کر اپنے مسائل کو حل کرنا ہوں گے۔
جہاں امریکہ، کینیڈا، فرانس اور برطانیہ کے رہنماؤں کے پیغامات مقامی سیاست سے متعلق تھے وہیں جرمنی کی چانسلر آنگلہ مرخیل نے ملک کے لئے جاری اپنی حکومت کے اقدامات کے ذکر کے ساتھ ساتھ موسمیاتی تبدیلی، مہاجرین اور دہشت گردی کے خطرات کے بارے میں بھی بات کی۔
جرمن چانسلر کا کہنا تھا کہ دو عالمی جنگوں کے بعد ہم نے یہ سیکھا کہ دوسروں کے مفادات کا بھی خیال رکھا جانا چاہئے۔ مگر اب اس نظرئیے کے حامی کم ہوتے جا رہے ہیں۔
انہوں نے جرمنی کی جانب سے عالمی امن کے لئے اپنی ذمہ داریاں بڑھانے کی بات کی۔
Excellent and honest New Year%27s address from Angela Merkel (including a mention of Brexit)🇪🇺 🇩🇪 🇬🇧pic.twitter.com/5EMvJJjYKo
— Brexit Bin 🇪🇺 🇬🇧 #FBPE (@BrexitBin) January 1, 2019
پاکستان کے وزیر اعظم عمران خان نے ٹوئیٹر پر جاری اپنے پیغام میں کہا کہ ’’سالِ نو کی قرارداد پاکستان کی چار بڑی بیماریوں یعنی غربت، جہالت، ناانصافی اور کرپشن کیخلاف جہاد کے عزم سے مزین ہے‘‘۔ انہوں نے دعا کی کہ ’’نیا سال پاکستان کے لئے سنہری دور کا نکتہ آغاز ثابت ہو‘‘۔
Our New Year resolution is to wage jihad against the 4 ills of our country: poverty, illiteracy, injustice and corruption. InshaAllah 2019 is the beginning of Pakistan%27s golden era.
— Imran Khan (@ImranKhanPTI) January 1, 2019
اپوزیشن رہنما اور پاکستان پیپلز پارٹی کے چئیرمین بلاول بھٹو زرداری نے اپنے ٹوئیٹر پیغام میں ’’پرامن، ترقی یافتہ اور ترقی پسند پاکستان‘‘ کی دعا کی۔