آسٹریلیا کے شہر سڈنی میں 91 سالہ آسٹریلوی بزرگ پیرا گلائیڈنگ کے دوران کریش لینڈنگ کرنے پر بال بال بچے گئے۔ حکام کا کہنا ہے کہ کریش کے دوران وہ سمندر میں گر گئے جس کی وجہ سے انہیں معمولی زخم ہی آئے ہیں۔
بزرگ پیراگلائیڈر کو مقامی لوگوں نے اتوار کی شام چھ بجے پانی سے نکالا۔ ایمرجنسی سروس کو بلایا گیا جن کے مطابق بزرگ معمولی زخمی ہوئے ہیں۔
A 91-year-old man has survived with only cuts and an injured wrist after his paraglider crashed into the ocean near Warriewood a short time ago. https://t.co/th26XvV9cN
— NSW Police Force (@nswpolice) November 15, 2020
مقامی میڈیا نے بزرگ پیرا گلائیڈر کی ایک ویڈیو دکھائی جس میں وہ ریسکیو حکام کی مدد سے چلتے ہوئے نظر آ رہے ہیں۔ ان کے ایک پاؤں پر پٹی بندھی ہوئی ہے۔
پولیس کا کہنا ہے کہ ان کا پیراشوٹ پانی سے نکال لیا گیا ہے۔ انہیں سڈنی رائل نارتھ شور اسپتال لے جایا گیا جہاں ان کا علاج کیا جا رہا ہے۔