شمالی کوریا کے جوہری تجربے، امریکہ کو بات چیت پر آمادہ کرنے کا حربہ؟

شمالی کوریا کے تازہ ترین جوہری تجربے کے بارے میں تجزیہ کاروں نے پروگرام ، جہاں رنگ، میں میزبان بہجت جیلانی سے بات کی۔

ممتاز جوہری سائنسدان ثمر مبارک مند نے ہائیڈروجن بم کی تباہ کن طاقت کی وضاحت کرتے ہوئے کہا کہ ان کے خیال میں شمالی کوریا یہ تجربات اس لئے کر رہا ہے کہ عالمی برادری اس کو جوہری طاقت کے طور پر قبول کرتے ہوئے اپنی صف میں شامل کریں ۔

لیفٹیننٹ جنرل (ر) طلعت مسعود کا کہنا ہے کہ وہ سمجھتے ہیں شمالی کوریا کے یہ تجربات امریکہ کو اس بات پر آمادہ کرنے کے لئے ہیں کہ وہ اس کے ساتھ براہ راست مذاکرات کرے۔

عارف انصار نے امریکہ کی طرف سے طاقت کے استعمال کے امکان پر بات کرتے ہوئے کہا کہ اگر چہ امریکی انتظامیہ کی طرف سے سخت بیان سامنے آئے ہیں لیکن ان کے خیال میں چین کی مدد سے اس مسئلے کو حل کرنے کی کوشش کی جائیگی کیونکہ طاقت کا استعمال رد عمل کے ایک سلسلے کو شروع کر سکتا ہے۔

تجزیہ کار اتفاق کرتے ہیں کہ مسئلے کے حل کے لئے ضروری ہے کہ شمالی کوریا کے ساتھ رابطہ کاری کی جائے کیونکہ تعزیرات عائد کرنے سے مطلوبہ نتائج حاصل نہیں ہو سکے۔

مزید تفصیلات کے لیے ذیل کے لنک پر کلک کریں۔

شمالی کوریا اپنے جوہری تجرے سے کیا حاصل کرنا چاہتا ہے