پاکستان سپر لیگ کے پانچویں ایڈیشن کی افتتاحی تقریب کراچی کے نیشنل کرکٹ سٹیڈیم میں اختتام کو پہنچی۔ پاکستان میں ٹویٹر پر ٹاپ ٹین ٹرینڈز میں سے 9 ٹرینڈ پی ایس ایل سے متعلق ہیں۔ ٹاپ ٹرینڈ اس وقت #PSLComesHome ہے۔
سوشل میڈیا پر شائقین مختلف تصاویر، میمز اور اپنی ٹویٹس کے ذریعے افتتاحی تقریب پر تبصرے کر رہے ہیں۔ ان میں سے سب سے زیادہ تبصرہ تقریب کے میزبان احمد گوڈیل پر کیا گیا جنہیں ناظرین کی جانب سے شدید تنقید کا سامنا ہے۔
ناظرین ان پر عمران خان کی تقریر کے سٹائل کی نقل کرنے کا الزام لگاتے رہے اور بیشتر ٹویٹر صارف اس بات پر نالاں نظر آئے کہ انہیں اس اہم تقریب کی میزبانی کیوں دی گئی۔
صحافی مبشر زیدی بھی اسی بات پر ان سے خفا نظر آئے اور انہوں نے اپنی ٹویٹ میں کہا ہے۔
Why the host is playing sasta IK? #PSL2020 #PSLV
— Mubashir Zaidi (@Xadeejournalist) February 20, 2020
ایک ٹویٹر صارف رجا نے ایک میم شیئر کی کہ ہم کب سے پی ایس ایل کی افتتاحی تقریب کا انتظار کر رہے تھے مگر میزبان دیکھ کر ایک دم سے وقت بدل گیا، جذبات بدل گئے، زندگی بدل گئی۔
Kab se Intezar tha PSL ki opening ceremony ka but Uss Namoone Host nee toh..👇👇#PSL2020 pic.twitter.com/c6kB4U2dLx
— 𝕭𝖔𝖔𝖐𝖂𝖔𝖗𝖒📚📖 (@rijasid) February 20, 2020
احمد گوڈیل نے اپنے انسٹاگرام اکاؤنٹ سے اپنے ناقدین کو جواب دیتے ہوئے کہا کہ ان پر تنقید کرنے والے ان سے جلتے ہیں کہ وہ کیوں اتنی جلدی اتنے بڑے سٹیج تک پہنچ گئے ہیں۔
پی ایس ایل کی تقریب پر بھی صارفین زیادہ خوش نظر نہیں آئے۔ کرکٹ مبصر امر ملک نے اپنے ٹویٹر ہینڈل پر تقریب پر تنقید کرتے ہوئے لکھا کہ تقریب کا غیر منظم ہونا مسلسل نظر آ رہا تھا۔ گلوکار لائیو گانے کی بجائے ریکارڈڈ گا رہے تھے اور آدھے گانے کے درمیان رک جاتے تھے۔ بہت زیادہ لمبی تقریب تھی مگر ایسا لگتا تھا کہ فیلڈ پر کچھ زیادہ نہیں ہو رہا تھا اور لوگ اگلے ایکٹ کا انتظار ہی کرتے رہے۔
Sorry if I sound like I’m criticising everything..but this is extremely disorganised, and unfortunately it shows. Singers lip syncing, stopping halfway. Too much time with no activity on the field, waiting for the next acts. Just bring on the cricketers please!
— AmerCric (@Amermalik12) February 20, 2020
کرکٹ کوچ این پونٹ نے اپنی ٹویٹ میں لکھا کہ ایسا لگتا ہے کہ جیسے آپ عید والے دن اپنے ماموں اور آنٹی کے ساتھ بمشکل بیٹھے ہیں اور اس بات کے منتظر ہیں کہ اس کے بعد دعوت ہو گی۔ یہ تقریب بھی ایسی ہی ہے کیوں کہ آپ کو پتا ہے کہ اس کے بعد کرکٹ شروع ہو گی۔
This is like having to sit through those ماموں اور آنٹی because it%27s Eid, but you know there%27s a feast coming at the end
— Ian Pont (@Ponty100mph) February 20, 2020
پاکستان سپر لیگ کے آفیشل ہینڈل نے تقریب کی مختلف تصاویر اپنے ٹویٹر پر پوسٹ کی ہیں جن میں فنکاروں کو رنگارنگ تقریب کے دوران اپنے فن کا مظاہرہ کرتے ہوئے دیکھا جا سکتا ہے۔
— PakistanSuperLeague (@thePSLt20) February 20, 2020
— PakistanSuperLeague (@thePSLt20) February 20, 2020
— PakistanSuperLeague (@thePSLt20) February 20, 2020