سعودی عرب میں ہالووین کی تقریب

سعودی عرب کے دارالحکومت ریاض میں ویک اینڈ پر ہالووین کی مناسبت سے تقریب کا انعقاد کیا گیا۔

ہالووین کے موقع پر ریاض کی اہم شاہراہ کو ڈراؤنے انداز میں سجایا گیا۔

اس تقریب ممیں شریک ہونے والے تمام افراد نے ڈراؤنے ملبوسات پہنے۔

تقریب کا اختتام آتش بازی اور میوزک ایفیکٹس کے ساتھ کیا گیا۔

انتظامیہ کے مطابق ان تقریبات کا مقصد تفریح، سنسنی اور جوش سے بھرا ہوا ماحول تخلیق کرنا تھا۔

ریاض کی اہم شاہراہ پر آنے والوں کو صرف اس شرط پر داخلے کی اجازت دی گئی کہ وہ ڈراؤنے ملبوسات پہنیں گے۔

ہر سال 31 اکتوبر کو امریکہ سمیت دنیا کے کئی ممالک میں ہالووین کا تہوار منایا جاتا ہے۔ اس تہوار کو منانے کا نظریہ یہ ہے کہ 31 اکتوبر کی شام خزاں ختم اور سردیاں شروع ہوتی ہیں اور اس رات مرنے والوں کی روحیں زمین پر آتی ہیں۔

سعودی عرب جیسے ملک میں اس تہوار کو منانے پر سوشل میڈیا پر صارفین خاصی تنقید کر رہے ہیں۔