سابق 'مس یونی ورس' اور بالی وڈ اداکارہ سشمیتا سین نے اپنے مداحوں کو بتایا ہے کہ حال ہی میں انہیں دل کا دورہ پڑا تھا لیکن اب ان کی طبیعت بہتر ہے۔
اداکارہ نے جمعرات کو اپنے انسٹاگرام اکاؤنٹ پر ایک پوسٹ شیئر کی جس میں انہوں نے بتایا کہ انہیں چند روز قبل دل میں درد محسوس ہوا تھا جس کے بعد ان کی اینجو پلاسٹی بھی ہوئی ہے۔
سشمیتا سین کا کہنا تھا کہ یہ پوسٹ ان کے تمام چاہنے والوں اور ہمدرد وں کے لیے ہے جنہیں وہ یہ بتانا چاہتی ہیں کہ سب ٹھیک ہے اور وہ دوبارہ زندگی کے لیے تیار ہیں۔
اداکارہ کی اس پوسٹ کے بعد ان کے چاہنے والوں اور بالی وڈ انڈسٹری کی جانب سے نیک تمناؤں اور ہمدردی کا اظہار کیا جا رہا ہے۔
بالی وڈ اداکارہ گوہر خان، شلپا شیٹی اور تبو سمیت متعدد ساتھی فن کاروں نے سشمیتا سین کو جلد صحت یابی کی دعائیں دیں۔
پریانکا بھٹ کے بقول یہ سن کر خوشی ہوئی کہ اب آپ ٹھیک ہیں، آپ ایک فائٹر ہیں اور لاکھوں لوگوں کی دعائیں آپ کے ساتھ ہیں۔
Dear @thesushmitasen ma%27am, my heart skipped a beat hearing about your heart attack. So glad to know you%27re okay now. You%27re a fighter and millions of people%27s prayers are with you. Take care, we love you! ❤️ #SushmitaSen #Fighter #GetWellSoon pic.twitter.com/iLD7HdxILa
— Priyanka Hemanti Bhatt (@iPriyankaBhatt) March 2, 2023
عمران سولنکی نے کہا کہ وہ اپنی دوست سشمیتا کی بیماری کی خبر سن کر صدمے میں ہیں۔
I am shocked at the news of my friend #SushmitaSen %27s heart attack. It%27s deeply distressing She will come back stronger. Cos that%27s the kind of person she is! 🙏 @thesushmitasen pic.twitter.com/J3ffejM9Cm
— Imran Solanki (@imransolanki313) March 2, 2023
سنجے اگروال نے نے کہا کہ سشمیتا بھارت کی پہلی مس یونی ورس ہیں جنہیں چند روز قبل دل کا دورہ پڑا ہے، ساتھ ہی انہوں نے اداکارہ کی جلد صحت یابی کی دعا بھی کی۔
Get well soon Sushmita Sen ! India%27s first ever Miss Universe has undergone angioplasty after suffering a heart attack a few days ago...May 1994 TOI report when Delhi%27s Vasant Kunj girl won the beauty title. pic.twitter.com/e6JCIi0hkD
— Sanjay Kaw (@SanjayKaw5) March 2, 2023
ڈاکٹر ڈی کے گپتا نے اداکارہ کو جلد صحت یابی کی دعا دی۔
Wishing you a speedy recovery Sushmita ji. We really hope you feel better soon. Sending you all our love and support in your recovery. #SushmitaSen #getwellsoon pic.twitter.com/ffGXW43GPQ
— Dr D K GUPTA (@drdkgupta) March 2, 2023
یاد رہے کہ اداکارہ سشمیتا سین نے سن 1994 میں 'مس یونیورس' کا ٹائٹل اپنے نام کیا تھا۔ اداکارہ میں ہوں نہ، میں نے پیار کیوں کیا، بیوی نمبر ون اور آغاز جیسی فلموں میں اداکاری کے جوہر دکھا چکی ہیں۔
اس کے علاوہ سشمیتا سین حال ہی میں ویب سیریز 'آریا' میں جلوہ گر ہوئی ہیں جب کہ وہ ایک اور ویب سیریز 'تالی' میں ایک ٹرانس جینڈر کے کردار میں نظر آئیں گی۔