ثمن خان

رنگ برنگے پھولوں سے سجی لاہور کی 'نین سکھ' پھول منڈی 

کیا آپ نے کبھی پھولوں کی نیلامی دیکھی ہے جہاں فرش پر بکھرے رنگ برنگے پھول خریداروں کے منتظر ہوتے ہیں؟ لاہور کی نین سُکھ پھول منڈی یوں تو 24 گھنٹے کُھلی رہتی ہے لیکن صبح آنے والا تازہ مال اور بیوپاریوں کا ہجوم پھولوں کی خرید و فروخت کو قابلِ دید بناتا ہے۔ ثمن خان کی ڈیجیٹل رپورٹ۔

سردیوں کی سوغات پنجیری: 'کوشش ہے کہ اس کا ذائقہ سب کی زبان تک پہنچائیں'

بادام، کاجو، پستہ اور دیگر میوہ جات سے تیار ہونے والی سردیوں کی سوغات پنجیری کھانے میں تو مزیدار ہوتی ہے لیکن اسے بنانے کا مرحلہ کافی محنت طلب ہے۔ اسی لیے گھروں میں پنجیری بنانے کا رواج کم ہوتا جا رہا ہے۔ لیکن لاہور کی ایک خاتون صدف بتول نے اس سوغات کو آمدنی کا ذریعہ بنا لیا ہے۔ کیسے؟ دیکھیے ثمن خان کی رپورٹ میں۔

ملازمت حاصل کرنے کے لیے کن باتوں کا خیال رکھا جائے؟

پاکستان میں تعلیم مکمل کرنے کے بعد ملازمت کی تلاش کسی امتحان سے کم نہیں۔ مارکیٹ میں ملازمتیں کم اور امیدوار زیادہ ہیں۔ اچھی نوکری کے لیے کن باتوں کا خیال رکھا جائے؟ لاہور سے ثمن خان کی رپورٹ۔

مری میں برف باری جاری لیکن مال روڈ ویران

مری میں ہفتے سے برف باری کا سلسلہ جاری ہے جس کے بعد سیاحوں کے لیے راستے تو کھلے ہیں لیکن مری اور اس کا مال روڈ خلافِ معمول سنسان پڑا ہے۔ ہماری نمائندہ ثمن خان مال روڈ پر موجود ہیں اور مزید تفصیلات بتا رہی ہیں اس ویڈیو میں۔

مری میں جان لیوا سرد رات کی کہانی، عینی شاہد کی زبانی

"ہم برف باری سمجھ کر انجوائے کر رہے تھے مگر وہ برفانی طوفان تھا جس نے ہمیں نکلنے ہی نہیں دیا۔ لوگ رو رہے تھے تو کسی نے مدد نہیں کی۔ جب اموات ہو گئیں تب پانی اور قہوے لے کر آئے۔" مری کی برف باری میں پھنسنے والوں نے رات کیسے گزاری اور انہیں کن رویوں کا سامنا کرنا پڑا؟ جانیے ایک عینی شاہد کی زبانی۔

لائف ڈرائنگ ماڈلز جن کا ہنر گھنٹوں ساکت بیٹھنا ہے

ماڈلنگ کا نام سنتے ہی سب کے ذہن میں گلیمر اور زرق برق کپڑے پہنے ریمپ پر جلوے بکھیرنے والے ماڈلز آتے ہوں گے۔ لیکن آج ہم آپ کو ملواتے ہیں 'لائف ڈرائنگ ماڈلز' سے جو گھنٹوں کسی مجسمے کی طرح ایک ہی مخصوص پوز میں بیٹھے رہتے ہیں۔ یہ ماڈلنگ کس قدر مشکل ہے؟ جانتے ہیں ثمن خان کی ڈیجیٹل رپورٹ میں۔

مغل پورہ، لاہور میں مغل دور کی اشرافیہ کا مسکن

میلی میلی دھوپ: ماحولیاتی تبدیلیوں پر انور مسعود کی شاعری

ماحولیاتی تبدیلیوں کا تذکرہ آج دنیا بھر میں ہے اور اس مسئلے پر کانفرنسیں اور سیمینار ہو رہے ہیں۔ مگر پاکستان کے معروف شاعر انور مسعود کئی برس قبل اپنی شاعری میں ماحولیاتی مسائل کو موضوع بنا چکے ہیں۔ ثمن خان آپ کی ملاقات کرا رہی ہیں انور مسعود سے۔ آئیے سنتے ہیں ان کے منفرد اشعار انہی کی زبانی۔

لاہور: گلابی باغ کے حصار میں دائی انگہ کا مقبرہ

آباد شہر کا ویران مقبرہ

یکساں قومی نصاب: 'یہ نہ ہو کہ نجی اسکولوں کا معیار بھی گر جائے'

پاکستان کی وفاقی حکومت نے حال ہی میں یکساں قومی نصاب رائج کیا ہے لیکن ملک میں اس نئے نصاب سے متعلق ایک کنفیوژن کی سی فضا ہے۔ سنگل نیشنل کریکیولم ہے کیا اور اس سے طبقاتی نظام ختم کرنے میں کیسے مدد ملے گی؟ جانیے ثمن خان کی رپورٹ میں۔

تاریخ کا گہوارہ بہاولپور کا نور محل

صادق گڑھ محل جو خاندانی رنجشوں کی بھینٹ چڑھ گیا

پنجاب کے علاقے احمد پور شرقیہ میں واقع صادق گڑھ محل سابق ریاست بہاولپور کی نشانی ہے جو اب بھی نواب خاندان کی ملکیت ہے۔ یہ محل بیک وقت اپنی گزشتہ شان و شوکت اور موجودہ زبوں حالی کی کہانی سناتا ہے۔ صادق گڑھ محل کی کہانی دیکھیے ثمن خان کی رپورٹ میں۔

گلیات کی صفائی پر مامور تھر کے خاکروب

اندرونِ سندھ کے کئی پسماندہ علاقوں سے تعلق رکھنے والے اقلیتی برادری کے افراد برسوں سے خیبر پختونخوا کے سیاحتی مقامات پر بطور خاکروب کام کر رہے ہیں۔ ان افراد میں اکثریت ہندو مذہب سے تعلق رکھنے والوں کی ہے جو ان مقامات پر آنے والے سیاحوں کا پھیلایا ہوا کچرا صاف کرتے ہیں۔ دیکھیے ثمن خان کی رپورٹ۔

نعل سازی: گدھے، گھوڑے کے 'جوتے' بنانے کا معدوم ہوتا فن

کیا آپ نے کبھی گدھوں اور گھوڑوں کے جوتے دیکھے ہیں؟ جو نظر تو کم آتے ہیں لیکن ان کے پاؤں کی پوری حفاظت کرتے ہیں۔ ان جوتوں کو نعل کہا جاتا ہے۔ لاہور میں اب نعل بنانے اور لگانے والے کم ہی رہ گئے ہیں۔ ثمن خان ملوا رہی ہیں کچھ ہنر مندوں سے جو نہ صرف گھوڑوں کے جوتے بناتے ہیں بلکہ انہیں پہناتے بھی ہیں۔

چنیوٹ کا عمر حیات محل جو 'اپنے مکینوں کا مزار بن گیا'

موجودہ دور میں خوب صورت اور عالی شان محل صرف قصے کہانیوں میں ملتے ہیں۔ ماضی کے چند محل اگر موجود ہیں بھی تو ان کی حالت خستہ ہے۔ لیکن پنجاب کی تاریخی عمارتوں میں ایک محل ایسا بھی ہے جس کا بیش تر حصہ اب بھی بالکل اصل حالت میں ہے۔ عمر حیات محل کی کہانی دیکھیے ثمن خان کی رپورٹ میں۔

خستہ حالی کا شکار شیخوپورہ کا 'شاہی قلعہ'

لاہور کے شاہی قلعے کی شان و شوکت سے تو سبھی واقف ہیں لیکن بہت کم لوگ یہ جانتے ہیں کہ مُغل بادشاہ جہانگیر نے شیخوپورہ میں بھی ایک قلعہ بنوایا تھا۔ یہ قلعہ آج بھی موجود تو ہے لیکن خستہ حالی کے باعث اس کے دروازے عوام کے لیے بند ہیں۔ اس قلعے کی حالتِ زار پر دیکھیے ثمن خان کی ڈیجیٹل رپورٹ۔

'پہلے سارنگی کا مستقبل تاریک لگتا تھا، اب اچھی امید ہے'

سارنگی موسیقی کی دنیا کا ایک قدیم ساز ہے جو آج کل کم کم ہی سنائی دیتا ہے۔ سارنگی بجانے والے بھی اب چند ایک ہی باقی رہ گئے ہیں۔ ثمن خان ملا رہی ہیں لاہور کے ایک ایسے سارنگی نواز سے جنہیں یہ فن وراثت میں ملا اور اب وہ اسے نہ صرف پاکستان بلکہ بیرونِ ملک بھی لوگوں تک منتقل کر رہے ہیں۔

مشن پازیٹو پاکستان: غیر ملکی سیاحوں کے لیے آسانی پیدا کرنے کا منصوبہ

ملیے لاہور کے عثمان غنی سے جو پانچ برسوں میں 300 سے زائد غیر ملکی سیاحوں کی مہمان نوازی کر چکے ہیں۔ عثمان کسی سیاح کی سیر اور رہائش کا انتظام کرا دیتے ہیں تو کسی کو اپنے پیسوں سے کھانا کھلانے لے جاتے ہیں۔ وہ ایسا کیوں کر رہے ہیں اور ان کا 'مشن پازیٹو پاکستان' کیا ہے؟ جانیے ثمن خان کی رپورٹ میں۔

لاہور کا رنگ برنگا 'رینبو ویلیج'