شاہد ہاشمی پاکستان کے سینئر کرکٹ جرنلسٹ ہیں جو بین الاقوامی خبر رساں ادارے 'اے ایف پی' سمیت کئی میڈیا اداروں کے لیے ورلڈ کپس اور کرکٹ کے دیگر عالمی ایونٹس کی کوریج کر چکے ہیں۔
ٹی ٹوئنٹی ورلڈ کپ کے بڑے مقابلے میں پاکستان اور بھارت ایک مرتبہ پھر نو جون کو مدِ مقابل آ رہے ہیں۔ یہ مقابلہ نو تعمیر شدہ ناساؤ اسٹیڈیم نیو یارک میں ہو گا۔ لیکن یہاں صرف 34 ہزار افراد کے بیٹھنے کی گنجائش ہے۔
پاکستان ٹیم کے بارے میں کہا جاتا ہے کہ جب اس کا دن اچھا ہو تو یہ بڑے سے بڑے حریف کو بھی زیر کر لیتی ہے۔ لیکن ہارنے پر آئے تو دنیا کی کمزور ٹیم کے سامنے بھی گھٹنے ٹیک دیتی ہے۔
