بھارت کے زیرِ انتظام کشمیر میں جمعرات کو عیدالفطر منائی گئی۔ مقامی مذہبی تنظیموں اور مسجد کمیٹیوں نے پاکستان کی مرکزی رویتِ ہلال کمیٹی کی جانب سے بدھ کی شب شوال کا چاند نظر آنے کے اعلان کی تائید کرتے ہوئے جمعرات کو عید منانے کا اعلان کیا تھا۔ واضح رہے کہ بھارت کے دیگر علاقوں میں جمعے کو عید منائی گئی۔
بھارتی کشمیر میں پاکستان کے ساتھ عید
1
جمعرات کو جموں و کشمیر میں کرونا وائرس پر قابو پانے کے لئے عائد پابندیوں کی وجہ سے عید پر کوئی بڑا اجتماع ہوا اور نہ ہی اس موقعے پر کہیں روایتی چہل پہل نظر آئی۔
2
بھارت کے زیرِ انتظام کشمیر کے 11 اضلاع میں 29 اپریل کی شام ’کرونا کرفیو‘ نافذ کیا گیا تھا جس کے اگلے ہی روز جموں و کشمیر کے تمام 20 اضلاع میں یہ پابندیاں عائد کردی گئی تھیں۔
3
جموں و کشمیر میں کرونا وبا کے باعث پیدا ہونے والی صورت حال کے سبب نمازِ عید کا کوئی بڑاجتماع نہیں ہوسکا۔
4
صرف محلہ مساجد اور بعض بستیوں میں رہائشی مکانوں کے صحن میں لوگوں کی قلیل تعداد نے کووڈ ایس او پیز اور دیگر ہدایات پرعمل کرتے ہوئے نمازِ عید ادا کی۔
