پاکستان کی وزارت خارجہ نے اپنے منگل کو جاری ہونے والے ایک بیان میں کہا ہے کہ پاکستان کا ایک اعلیٰ سطحی وفد 14 مارچ کو نئی دہلی جا رہا ہے جہاں وہ نئی دہلی میں کرتار پور راہداری سے متعلق مذاکرات میں شرکت کرے گا۔
بعد ازاں ایک بھارتی وفد اسلام آباد کا دورہ کرے گا۔
بھارتی کنڑول کے کشمیر میں 14 فروری کو پلوامہ کے مقام پر ایک خودکش حملے میں بھارتی فورسز کے 49 اہل کاورں کی ہلاکت کے بعد تعلقات انتہائی کشیدہ ہو گئے تھے کیونکہ اس کی ذمہ داری ایک کالعدم گروپ جیش محمد نے قبول کرنے کا دعویٰ تھا۔ بھارت یہ الزام لگاتا ہے کہ اس گروپ کی قیادت اور تربیتی کیمپ پاکستان میں ہیں اور وہاں کے خفیہ ادارے مبینہ طور پر اس گروپ کی سرپرستی کرتے ہیں۔
کرتار پور پاکستان کی سرحد کے اندر سکھ برادری کا ایک مقدس مقام ہے،، وزیر اعظم عمران خان نے خیر سگالی کے اظہار کے طور پر کرتار پور میں سکھوں کو ویزہ فری انٹری دینے کا اعلان کرتے ہوئے سرحد تک راہداری بنانے کا اعلان کیا تھا۔
کرتار راہداری کا باضابطہ آغاز اگلے سال ہو گا۔ یہ مقام پنجاب کے دارالحکومت لاہور سے 120 کلومیٹر شمال میں واقع ہے۔
