امریکہ میں محکمہ خزانہ کے عہدے داروں نے امریکی بینکوں کو ہدایت کی ہے کہ وہ سرمائے کی ان ترسیلات پر گہری نظررکھیں جن کا تعلق لیبیا میں جاری عوامی بے چینی سے ہو یا کوئی ایسی علامت موجود ہوکہ غیر قانونی طریقے سے ملکی اثاثوں کو منتقل کرنے کی کوشش کی جارہی ہے۔
مالیاتی جرائم کے انسداد سے متعلق نیٹ ورک کی جانب سے جاری کی جانے والی اس ہدایت میں مالیاتی اداروں سے ایسی اعلی ٰ سیاسی شخصیات کے کھاتوں پر بھی نظر رکھنے کے لیے کہا گیاہے جن کا تعلق امکانی طورپر رشوت یا غیر قانونی ادائیگیوں سے ہو۔
