غزہ میں اسرائیلی حملے میں عورتوں اور بچوں سمیت 100 فلسطینی ہلاک

سیٹیلائٹ سے حاصل کردہ تصاویر کے ایک تجزیے سے ظاہر ہوتا ہے کہ اسرائیل کے حملے سے ایران کے دو خفیہ فوجی اڈوں کو نقصان پہنچا ہے۔

خبر رساں ادارے ایسوسی ایٹڈ پریس کے مطابق سیٹلائٹ تصاویر کے جائزے سے معلوم ہوا ہے کہ تہران سے جنوب مشرق میں واقع دو خفیہ اڈوں کو اسرائیل کے حملوں سے نقصان پہنچا ہے۔

سیٹلائٹ تصاویر میں ایک مقام ایسا ہے جو ماہرین کے مطابق ایران کے جوہری ہتھیاروں کے پروگرام سے منسلک رہا ہے جب کہ جس دوسرے مقام کو نقصان پہنچا ہے وہ ایران کے بیلسٹک میزائل پروگرام سے تعلق رکھتا ہے۔

رپورٹ کے مطابق بعض ایسی عمارتوں کو بھی نقصان پہنچا ہے جو ایران کی پارچین ملٹری بیس میں شامل ہیں جن کے بارے میں بین الاقوامی جوہری ایجنسی شبہ ظاہر کرتی آئی ہے کہ وہاں ایران نے شدید دھماکوں کے ایسے تجربات کیے ہیں جو جوہری ہتھیار ہوسکتے ہیں۔

تصاویر کے جائزے کے مطابق دوسرا مقام جہاں نقصان دیکھا گیا ہے وہ خجیر ملٹری بیس کے نزدیک ہے جس کے بارے میں تجزیہ کاروں کا کہنا ہے وہاں ایران کی بیلسٹک میزائل تیار کرنے کی تنصیبات سے مسنلک زیرِ زمین سرنگوں کا نظام پایا جاتا ہے۔

ایران نے خجیر اور پارچین کی فوجی تنصیبات کو نقصان پہنچنے کی تصدیق نہیں کی ہے۔

غزہ میں جاری لڑائی کو روکنے کے لیے قطر میں ایک بار پھر جنگ بندی معاہدے پر مذاکرات شروع ہورہے ہیں۔

خبر رساں ادارے ادارے رائٹرز کے مطابق ایک عہدے دار نے بتایا ہے کہ امریکی خفیہ دارے سی آئی اے اور اسرائیلی ایجنسی موساد کے ڈائریکٹر اتوار کو دوحہ قطری وزیرِ اعظم سے ملاقات کریں گے۔

عہدے دار کے مطابق مذاکرات میں مختصر مدت کے لیے جنگ بندی اور اسرائیل کے قید میں بعض فلسطینیوں کے رہائی کے بدلے چند یرغمالوں کو رہا کرنے پر بھی بات چیت ہوگی۔

مذاکرات میں حماس اور اسرائیل کو پہلے مرحلے میں ایک ماہ سے کم مدت کے لیے جنگ بندی کے لیے آمادہ کرنے کی کوشش کی جائے گی جس کے بعد توقع ہے کہ مستقل بنیادوں پر لڑائی روکی جاسکے گی۔

جنگ بندی مذاکرات کی بحالی کی اطلاعات ایسے وقت میں سامنے آئی ہیں جب اتوار کو غزہ میں اسرائیلی حملے جاری رہے جن میں فلسطینی حکام کے مطابق کم از کم 45 افراد ہلاک ہوئے ہیں۔

لبنان کی وزراتِ صحت کا کہنا ہے کہ جنوبی ساحلی شہر سدون میں اسرائیل کے فضائی حملے سے کم از کم آٹھ افراد ہلاک اور 25 سے زائد زخمی ہوگئے ہیں۔

خبر رساں ادارے اے ایف پی کے نمائندے کے مطابق فضائی حملے میں ایک عمارت کو نشانہ بنایا گیا ہے۔

اسرائیل نے سدون میں ایک گنجان آباد علاقے پر حملہ کیا ہے جب کہ اس کے مضافات سے کئی خاندان دیگر جنوبی علاقوں کی جانب نقل مکانی کرچکے ہیں۔

حزب اللہ اور اسرائیل کے درمیان جنگ شروع ہونے کے بعد سدون میں یہ اسرائیل کا پہلا فضائی حملہ ہے۔

مظاہرین نے ایک تقریب کے دوران اسرائیل کے وزیرِ اعظم بنیامین نیتن یاہو کے خطاب میں خلل پیدا کیا ہے۔

نیتن یاہو حماس کے حملوں کا نشانہ بننے والوں کی یاد میں منعقدہ ایک تقریب سے خطاب کر رہے تھے کہ اس دوران احتجاج کرنے والوں نے ’شرم کرو‘ کے نعرے لگانے شروع کردیے جس کے باعث وزیرِ اعظم کو اپنی تقریر روکنا پڑی۔

اس تقریب کا زیادہ تر حصہ پورے ملک میں براہِ راست نشر کیا گیا۔

کئی اسرائیلی حماس کے حملے روکنے میں ناکامی اور غزہ میں حماس کے ہاتھوں یرغمالوں کی تاحال واپسی نہ ہونے کے لیے نیتن یاہو کو ذمے دار قرار دیتے ہے۔