بنوں پولیس لائنز حملہ: آپریشن مکمل، پانچوں دہشت گردوں کو ہلاک کرنے کا دعویٰ

پولیس حکام کا کہنا ہے کہ بنوں میں پولیس لائنز پر حملے میں ایک اہلکار ہلاک جب کہ چار زخمی ہوئے ہیں۔

حکام نے مزید کہا ہے کہ زخمی ہونے والے اہلکاروں کو اسپتال منتقل کیا جا رہا ہے۔

حکام کا کہنا ہے کہ پولیس نے دیگر سیکیورٹی اداروں کے ہمراہ جوابی کارروائی شروع کر دی ہے۔

پولیس حکام کا دعویٰ ہے کہ جوابی کارروائی میں تین دہشت گرد ہلاک ہوئے ہیں۔

پولیس کا سرچ آپریشن اب بھی جاری ہے۔

پولیس حکام کا کہنا ہے کہ بنوں میں پولیس لائنز پر حملے میں ہلاک اہلکاروں کی تعداد تین ہو گئی ہے۔

حکام کے بقول عسکریت پسندوں کی تلاش کے لیے سرچ آپریشن جاری ہے۔

خیبرپختونخوا کے وزیر برائے پبلک ہیلتھ انجینئرنگ پختون یار خان نے کہا ہے کہ بنوں میں پولیس حملے کا واقعہ شہید اہل کار کی نمازِ جنازہ کے بعد پیش آیا ہے۔

انہوں نے کہا کہ بنوں پولیس لائن میں پانچ دہشت گرد داخل ہونے کی اطلاع ہے۔بنوں پولیس لائن میں ابھی بھی فائرنگ کا تبادلہ جاری ہےاور چھوٹے بڑے ہتھیاروں کا استعمال کیا جارہا ہے۔

صوبائی وزیر کا کہنا تھا کہ بنوں پولیس نے پولیس لائنز کے اطراف کو سیل کردیا ہے اور اسپتالوں میں ایمرجنسی نافذ کردی گئی ہے۔

پختون یار خان کے مطابق پولیس لائن میں جانی و مالی نقصان کا خدشہ ہے۔

چین کے وزیرِ اعظم لی چیانگ پاکستان کے چار روزہ دورے میں وفود سے ملاقاتیں اور یادداشتوں پر دستخط کی تقریب میں شرکت کریں گے۔

پاکستان کے وزیرِ اعظم محمد شہبازشریف، نائب وزیرِ اعظم و وزیر خارجہ اسحاق ڈار، وزیر داخلہ محسن نقوی اور دیگر اعلیٰ حکام نے چین کے وزیرِ اعظم کا استقبال کیا۔

چینی وزیرِ اعظم کو 21 توپوں کی سلامی بھی دی گئی۔حکام کے مطابق 11 برس کے بعد چین کے کسی بھی وزیرِ اعظم کا یہ پہلا دورۂ پاکستان ہے۔

وزیرِ اعظم شہباز شریف سے چینی وزیرِ اعظم کی ملاقات اور وفود کی سطح پر بھی ملاقاتیں ہوں گی۔

دونوں وزرائے اعظم چین پاکستان تعاون کے حوالے سے مفاہمتی یاد داشتوں پر دستخط کی تقریب میں شرکت کریں گے جس میں سی پیک کے ساتھ ساتھ دیگر بڑے منصوبے بھی شامل ہیں۔ تقریب میں گوادر انٹرنیشنل ایئر پورٹ کا ورچوئل افتتاح بھی شامل ہے۔