بنوں پولیس لائنز حملہ: آپریشن مکمل، پانچوں دہشت گردوں کو ہلاک کرنے کا دعویٰ

کراچی میں سندھ رواداری مارچ اور تحریک لبیک پاکستان (ٹی ایل پی) کی بیک وقت احتجاج کے سبب ریڈ زون اتوار کو میدان جنگ بنا رہا۔

حکام نے اس احتجاج میں ایک شخص کی ہلاکت اور متعدد کے زخمی ہونے کی تصدیق کی ہے۔

میٹرو پول ہوٹل کے قریب پولیس اور مظاہرین کے درمیان جھڑپ کے دوران فائرنگ سے ایک شخص ہلاک اور ایک پولیس اہلکار سمیت متعدد افراد زخمی ہوئے۔

اسی مقام پر مشتعل افراد نے پولیس موبائل کو آگ لگا دی تھی جب کہ پولیس نے دفعہ 144 کی خلاف ورزی پر 30 سے زائد افراد کو حراست میں لیا۔

پولیس سرجن سمعیہ سید نے مقامی میڈیا کو بتایا کہ ایک شخص کی لاش جناح اسپتال لائی گئی جس کے سر پر گولی لگی تھی۔

واضح رہے کہ سول سوسائٹی نے عمر کوٹ میں توہینِ مذہب کے الزام میں ڈاکٹر شاہنواز کنبھر کے ماورائے عدالت قتل اور سندھ میں بڑھتی ہوئی انتہا پسندی کے خلاف پریس کلب پر احتجاج کی کال دے تھی جب کہ ٹی ایل پی نے بھی اسی مسئلے پر پریس کلب پر احتجاج کا اعلان کیا تھا۔

بعد ازاں ان دونوں تنظیموں کا پولیس سے الگ الگ مقامات پر تصادم بھی ہوا۔

خیبر پختونخوا کے وزیرِ اعلیٰ علی امین گنڈا پور نے کہا ہے کہ وہ صوبے کے وزیرِ اعلیٰ کی حیثیت سے وہ آئین اور قانون کے دائرہ کار میں رہتے ہوئے پختون قومی جرگے کی تجاویز پر عمل درآمد یقینی بنانے کی کوشش کریں گے۔

ایک بیان میں ان کا کہنا تھا کہ جو مطالبات صوبائی حکومت کے دائرہ کار میں نہیں ہیں اُن کو متعلقہ وفاقی حُکام کے سامنے اٹھایا جائے گا۔ وفاق اور دیگرحکام کے ساتھ بیٹھ کر اِن مسائل کے حل کے لیے ہر ممکن کوشش کی جائے گی۔

واضح رہے کہ جمرود میں تین دن سے جاری پختون قومی جرگہ اتوار کی شب ختم ہوا ہے۔ اس جرگے کی منتظم پشتون تحفظ موومنٹ (پی ٹی ایم) تھی۔

پاکستان تحریکِ انصاف (پی ٹی آئی) کے کل اسلام آباد کے ڈی چوک پر اعلان کردہ احتجاج سے متعلق اجلاس آج ہوگا۔

وزیرِ اعلیٰ خیبر پختونخوا علی امین خان گنڈاپور نے آج تین بجے پشاور میں وزیرِ اعلیٰ ہاؤس میں اہم اجلاس طلب کیا ہے۔

مختلف سیاسی جماعتوں نے پی ٹی آئی سے احتجاج مؤخر کرنے کا مطالبہ کیا ہے۔

پی ٹی آئی کا مؤقف ہے کہ اگر ان کے رہنماؤں کی عمران خان سے ملاقات کرا دی جائے تو وہ ڈی چوک پر اپنا احتجاج مؤخر کر سکتے ہیں۔

لاہور ہائی کورٹ میں پنجاب میں دفعہ 144 کے نفاذ کے خلاف دائر درخواست کی سماعت پیر کو ہوئی ہے۔

جسٹس ندیم ارشد نے کیس کی سماعت کی۔ درخواست گزار شہری نجی اللہ کے وکیل اظہر صدیق نے دلائل دیے۔

عدالت نے دفعہ 144 کے نفاذ کے تناظر میں ہونے والے مقدمات کا ریکارڈ طلب کر لیا ہے۔

عدالت نے کیس کی سماعت 26 اکتوبر تک ملتوی کر دی ہے۔