بتایا جاتا ہے کہ صومالی بحری قزاقوں نے ایک سمندری جہاز کو چھوڑ دیا ہے جب کہ دو یرغمالیوں کو اپنے قبضے میں لے لیا ہے۔
یورپی یونین کی انسدادِ قزاقی سےمتعلق فورس نے پیر کو کہا کہ قزاقوں نے ’ایم وی اِزومی‘ نامی ایک جاپانی مال بردار جہازساڑھے چار ماہ تک یرغمال رکھنے کے بعد آزادکردیا ہے۔ ایک بیان میں کہا گیا ہے کہ جہاز اور اُس کے 20ارکان کو جن کا تعلق فلپین سے ہے 25فروری کو رہا کیا گیا اور سمجھا جاتا ہے کہ وہ کسی محفوظ بندرگاہ کی طرف روانہ ہوگئے ہیں۔
یورپی یونین فورس نے یہ بھی بتایا ہے کہ قزاقوں نے اومان کے ساحل سے ایک یونانی مال بردار جہاز کوپکڑ لیا ہے۔ یہ وہ علاقہ ہے جہاں ماضی میں صومالی قزاق حملہ کرتے رہے ہیں۔ بتایا جاتا ہے کہ ’دِی ایم وِی ڈوور‘ میں 23ارکان پر مشتمل عملہ سوار تھا جس میں سے19کا تعلق فلپین سے، تین کا رومانیہ اور ایک روس سے ہیں۔
دریں اثنا، ڈینمارک کی وزارتِ خارجہ نے پیر کے دِن کہا کہ قزاقوں نے ایک کشتی کو پکڑ لیا ہے جس میں ڈیمنارک کے سات شہری، جن میں سے تین بچے ہیں، سوار تھے۔ اِس میں کہا گیا ہے کہ یرغمالیوں نے کشتی کو گذشتہ ہفتے بحیرہٴ ہند سے یرغمال بنایا تھا اور اب اِسے صومالیہ کی طرف لے جارہے ہیں۔
