امریکہ میں اسلام اور مسلم دنیا کے بارے میں بڑھتی ہوئی دلچسپی کے باعث یہ بات حیران کن نہیں کہ یہاں کالجوں میں بھی طالب علموں کی اسلام کے بارے میں معلومات میں اضافہ کرنے کی کوشش کی جا رہی ہے۔
بہت سی یونیورسٹیوں میں مذہب اسلام اور اس کی تاریخ کے حوالے سے کورسز پڑھائے جاتے ہیں اور مباحثوں اور لیکچروں کا بھی اہتمام کیا جاتا ہے۔ حال ہی میں اسلام اور مغربی دنیا کے تعلقات پر واشنگٹن ڈی سی کی امریکن یونیورسٹی میں ایک لیکچر منعقد کیا گیا۔
