صدارتی انتخابات کے اب تک کے نتائج

ری پبلکن صدارتی اُمیدوار ڈونلڈ ٹرمپ نے پام بیچ فلوریڈا میں صدارتی انتخاب کے لیے اپنا ووٹ کاسٹ کر دیا۔ اس موقع پر میڈیا سے گفتگو کرتے ہوئے سابق صدر کا کہنا تھا کہ ری پبلکنز اپنی پوری قوت کے ساتھ باہر نکلے ہیں۔

سابق صدر کا کہنا تھا کہ یہ اُن کی تیسری انتخابی مہم ہے جو سب سے بہترین رہی ہے۔ تاہم انتخابی نتائج آنے میں تاخیر ہو سکتی ہے جو مایوس کن ہے۔

مزید تصاویر

امریکی انتخابات کے لیے بیٹل گراؤنڈ ریاستوں سمیت بیشتر ریاستوں میں پولنگ کا عمل جاری ہے۔

الاسکا اور واشنگٹن میں بھی پولنگ کا آغاز ہو گیا جب کہ ایریزونا، آئیووا، لوئزیانا، منی سوٹا، ساؤتھ ڈکوٹا، نارتھ ڈکوٹا، ٹیکساس، اوکلاہوما اور جارجیا میں بھی پولنگ جاری ہے۔ ساؤتھ کیرولائنا، اوہائیو اور ویسٹ ورجینیا میں بھی پولنگ کا سلسلہ جاری ہے۔