اقوام متحدہ کا طالبان سے خواتین پر عالمی داروں میں کام کی پابندی اٹھانے کا مطالبہ

طالبان کی صوبائی حکومت نے قتل کے ایک مقدمے میں ایک شخص کو عوامی اجتماع میں پھانسی دے دی ہے ۔

اعلیٰ طالبان عہدیداروں کی موجودگی میں بدھ کے روزفرح کے اسپورٹس اسٹیڈیم میں یہ کارروائی کی گئی ۔

افغانستان میں اگست 2021 میں اقتدار پر قبضے کے بعد طالبان حکومت کی جانب سے حدود (ضوابط کے تحت ) یہ کارروائی کی گئی ہے ۔

طالبان حکومت کے ترجمان ذبیح اللہ مجاہد نے ایک بیان میں کہا کہ سزائے موت پانے والے شخص نے صوبہ ہرات سے تعلق رکھنے والے ایک شخص کو قتل کیا تھا۔

عینی شاہدین نے وائس آف امریکہ کو بتایا کہ آج صبح بڑی تعداد میں لوگ اسپورٹس اسٹیڈیم گئے۔

دن کے اوائل میں ایک مقامی ریڈیو نے لوگوں سے کہا کہ وہ شریعت حدود کے نفاذ کو دیکھنے کے لیے اسپورٹس اسٹیڈیم جائیں۔

ایک امریکی جج نے سعودی عرب کے ولی عہد شہزادہ محمد بن سلمان کے خلاف صحافی جمال خاشقجی کے قتل میں مبینہ کردار کے الزام کامقدمہ خارج کر دیا ہے۔

واشنگٹن کے وفاقی جج جان بیٹس نے منگل کو کہا کہ انہوں نے امریکی حکومت کے اس موقف کو قبول کیا ہے کہ شہزادہ محمد کو غیرملکی سربراہ مملکت کی حیثیت سے امریکی عدالتوں میں استثنیٰ حاصل ہے۔

شہزادے کوستمبر میں سعودی عرب کا وزیر اعظم نامزد کیا گیا تھا۔

بیٹس نے کہا کہ خاشقجی کی منگیتر ہیٹس سینگیز اور خاشقجی کےایکٹوسٹ گروپ ڈیموکریسی فار دی عرب ورلڈ ناؤ کی طرف سے دائر سول مقدمہ میں مضبوط اور قابلِ تعریف دلیل دی کہ قتل کے پیچھے شہزادہ محمد کا ہاتھ تھا۔

امریکی صدر جو بائیڈن نے پچھلے سال ایک انٹیلی جنس رپورٹ جاری کی تھی جس سے معلوم ہوا تھا کہ شہزادہ محمد نے خاشقجی کے خلاف آپریشن کی منظوری دی تھی۔

سعودی حکام اس دعوے کو مسترد کرتے ہیں۔

اس قتل کے نتیجے میں واشنگٹن اور ریاض کے درمیان تعلقات میں کشیدگی آئی ۔

سعودی عدالت نے 2020 میں اس قتل کے الزام میں 8 افراد کو 7 سے 20 سال کے درمیان قید کی سزا سنائی تھی۔

جرمنی کے بیشتر علاقوں میں ہزاروں پولیس افسران نے انتہائی دائیں بازو کے مشتبہ شدت پسندوں کے خلاف بدھ کے روز چھاپے مارے جو مبینہ طور پر مسلح بغاوت کے ذریعے حکومت کا تختہ الٹنا چاہتے تھے۔

حکام نے بتایا کہ 25 افراد کو حراست میں لیا گیا ہے۔

تحریک کے کچھ ارکان نے جرمنی کی جنگ کے بعد کے آئین کو مسترد کرتے ہوئے حکومت کو گرانے کا مطالبہ کیا ہے۔

وزیر انصاف مارکو بشمین نے ان چھاپوں کو انسداد دہشت گردی آپریشن قرار دیتے ہوئے مزید کہا کہ ممکن ہے مشتبہ افراد نے ریاست کے اداروں پر مسلح حملے کی منصوبہ بندی کی ہو ۔

جرمنی کے اعلیٰ سیکیورٹی اہل کار نے کہا کہ یہ گروپ پرتشدد بغاوت کے تصورات اور سازشی نظریات پر کارفرما تھا۔

استغاثہ نے کہا کہ 22 جرمن شہریوں کو دہشت گرد تنظیم میں رکنیت کے شبے میں حراست میں لیا گیا ہے۔

انہوں نے بتایا کہ ایک روسی شہری سمیت تین دیگر افراد کو تنظیم کی حمایت کے شبے میں گرفتار کیا گیا جب کہ مزید 27 افراد زیر تفتیش ہیں۔

روسی تیل کے 19 ٹینکر جہاز ترکیہ نے روک لیے

فنانشل ٹائمز نے پیر کو رپورٹ کیا کہ مغرب کی جانب سے روسی خام تیل پر قیمت کی مقررہ حد کے پہلے دن تیل کے ٹینکرز نے ترکی کے ساحل پر ٹریفک جام کر دیا کیونکہ انقرہ نے تمام جہازوں کے لیے انشورنس کے نئے ثبوت کا مطالبہ کیا۔

خبر رساں ادارے رائٹرز کے مطابق جہازوں کے بروکرز، تیل کے تاجروں اور سیٹلائٹ ٹریکنگ سروسز کا حوالہ دیتے ہوئےرپورٹ میں کہا گیا ہے کہ پیر کے روز تقریباً 19 خام تیل لے جانے والے تقریباً 19 ٹینکرز ترکی کے پانیوں کو عبور کرنے کے منتظر تھے۔

گروپ آف سیون نیشنز،آسٹریلیا اور یورپی یونین کی 27 ریاستوں کی جانب سے روسی سمندری خام تیل پر 60 ڈالر فی بیرل کی قیمت کی حد اس ہفتے سے نافذ العمل ہو گئی۔

اس تازہ ترین مغربی اقدام کا مقصد ماسکو کو یوکرین پر حملے کی سزا دینا ہے ۔

یہ معاہدہ روسی تیل کو تیسرے فریق کے ممالک کو صرف اس صورت میں بھیجنے کی اجازت دیتا ہے جب جی سیون اور یورپی یونین کے رکن ممالک، انشورنس کمپنیوں اور کریڈٹ اداروں کے ٹینکرز کا استعمال کرتے ہوئے (اس تیل کو) کارگو کیپ پر یا اس سے کم قیمت پر خریدا گیا ہو۔

روس نے پیر کے روز کہا کہ اس کے تیل پر مغرب کی جانب سے مقررہ حد عالمی توانائی کی منڈیوں کو غیر مستحکم کر دے گی لیکن یوکرین میں اس کے خصوصی فوجی آپریشن کو برقرار رکھنے کی اس کی صلاحیت کو متاثر نہیں کرے گی۔

فنانشل ٹائمز کی رپورٹ کے مطابق تیل کی صنعت کے چار ایگزیکٹوز نے کہا کہ ترکی نے ان اقدامات کی روشنی میں آبنائے سے گزرنے والے کسی بھی جہاز کے لیے مکمل انشورنس کوریج کے نئے ثبوت کا مطالبہ کیا ہے۔

ترکی کی وزارت ٹرانسپورٹ اور انفراسٹرکچر نے رائٹرز کی جانب سے تبصرہ کرنے کی درخواست کا فوری طور پر جواب نہیں دیا۔